Jan 12:13 - DAWAN BÎLA AISKA

¹³ Bamna dus wahia nani klaki brih taki wan Jisas wal prawaia, naku sin witin nani wini kata: —¡Mayunra! ¡Yamni pali sa, witinka Dawan nina brih aula ba, yamni pali sa Israel Kingka ba!

Jan 12:13 ပူးပေါင်းရင်းမြစ်များ

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Libait Lâka 23:40

Baha pas yua ba dusam mâ kau pain ba bri balma, kûku wahia sâtka wahia nani, dus tnawa pain wahia manis ba, awala un ra wahia pain pâwi nani ba bri bal, bara yu 7 Dawan ra lilia dauki kama.

Sofonías 3:15

Dawan pât ra mai lakaia mampara aisin ba kli swin, bara waihlam nani ba kangbi sakan. tilamra sa; Dawan, Israel kingka, man nani bara diara saura kumi sin sîa yama apia.

Matiu 23:39

kan yang bui man nani ra mai wisni, kli ai kaikma apia, naha bîla nani man nani aisama ba piua kat: ‘¡Yamni pali sa witinka Dawan nina mâki aula ba!’ ”

Matiu 27:42

—Witin bui upla wala nani ra swaki sakan, sakuna ai wîna kat lika sip swaki sakras. ¡Witin ba Israel Kingka sa kaka, dus prihni ba wina bal iwbia, bara yawan sut witin ra kasak lukbia!

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 12:14

Baku ba ra Jisas lika biriku kum saki baha purara ulan, Ulbanka ra aisi ba baku:

Jan 12:15

“Si bripara, Saion tawanka; kaiks, man Kingkam ba aula, biriku kum purara uli.”

Jan 19:15

Sakuna Ju nani ai pura wini, naku win: —¡Witin ba prubia! ¡Witin ba prubia! ¡Dus prihni ra sas! Pailat bila: —¿Man nani want sma ki, kingkam ba dus prihni ra sabamna? Sakuna prîs tara nani pana win: —¡Yang nani king wala briras, Rom kingka baman!

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.