Jan 11:19 - DAWAN BÎLA AISKA

¹⁹ Ju nani ailal aidrubi balan kata, Marta bara Meri wal ra maisa nihkaia, ai lakrika Lasarus pruan ba dukiara.

Jan 11:19 ပူးပေါင်းရင်းမြစ်များ

Blasi Sturka 37:35

Ai luhpia waitna, ai luhpia mairin nani sut ai aisika maisa nihkaia trai kaikan, sakuna ai luhpia nani ba witin ai maisa nihki ba brin daukras kan. Witin ai luhpia dukiara kau ini bara naku aisi kan: “Luhpi sarka brih ini ban kamna, yang pruan nani tilara wih, witin wal prawamna ba kat.”

2 Samuil 10:2

Bamna king Debit lukan, witin Nahas ra sin yamni munaia, papika mita witin ra yamni munan yamnika ba baku. Tila wihta tara nani ba blikan Hanún ra waia, aisika pruan dukiara sarka maisa nihkra lakula ba yaia. Sakuna Debit wihtka tara nani ba Amón uplika nani kuntrika ra wan ba ra,

1 Kronikas 10:12

bamna waitna kupia karnira nani sut ba buan, Saúl wîna tara bara luhpia nani wîna tara ba Jabés ra brih wan, bara bahara usupum dusa kumi munhtara bikan Jabés ra. Bara yu matlalkahbi pura kumi witin nani plun piras kan.

Job 2:11

Baku bamna, Job ai pânika nani yumhpa bri kan: Elifaz, Temán tasbaya wina, Bildad, Súah tasbaya wina, bara Sofar, Naamat tasbaya wina. Witin nani Job ra dîa pâtka takan ba sut wali banhwan, bara witin nani aitani lukan witin ra wih maisa nihkaia bara ai pâtka tara wahwi ba tilara ai lamara kaia.

Job 42:11

Bamna ai muihni nani, ai lakrika nani bara ai pânika nani sut mita kaikaia wan, patitara kakaira nani kan ba sin, sut asla witin nani pata tara kumi daukan ai watla ra, bara witin nani sut Job dukiara uya pali sari taki banhwan bara uya maisa nihkan Dawan mita baku pali klala yan ba dukiara, kumi bani mita lalah yan bara gul mihtadingka sin yan.

Smasmalkra 7:2

Kau yamni sa, pruan kum bikaia waia ba wihki lilia pliska ra wih lilia briaia ba wal, kan prura ba sika upla sut yua tnata lâska ba bara raya nani ba, aitani sa sin ai kupia kraukaia.

Aiseya 51:19

Naha saurka wâl na puramra balan sa: man kuntrikam sauhki tikan ba bara impliki âpu daukan, bara man uplikam nani prui tiwan plun bla, war takan mita. ¿Ya man ra umpira mai kaikbia? ¿Ya man ra maisam nihkbia?

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Inanka Nani 2:13

Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Luk 10:39

Marta lika ai muihni kum bri kata nina Meri, bara witinka ba lika Jisas mina ra iwan, dîa aisi ba walaia dukiara.

Luk 10:42

Sakuna diara kumi baman bâra sa briaia aitani. Meri sika diara kau yamni ba bâk saki brin sa, bara baha upla kumi bui sin mihta dakbia apia.

Jan 1:19

Ju nani Jerusalem wina, prîs bara Libait nani saki Jan ra blikan, makabi walaia, witin ba ya sapa.

Jan 11:1

Waitna siknis kum bâra kata, nina ba Lasarus, witin Betania wina kan, Meri ai muihni Marta wal tawanka ba.

Jan 11:31

Ju nani utla bilara Meri maisa nihki kan ba mita kaikan, Meri lika aihni pali latara taki auya. Bamna witin nani sin ninara taki wata, kan luki banhwan Meri ba raiti ra auya bahara inaia.

Jan 11:33

Jisas kaikan Meri ba ini kan, bara Ju nani witin wal balan ba sin. Bamna Jisas sari takan bara ai kupia ra wirha pali diman,

Jan 11:36

Bamna Ju nani bila: —¡Kaiks, nahki latwan kaiki kan ba!

Jan 11:45

Naha tâka mita, Meri yula kahbi aidrubi balan kan Ju nani wina ailal, baha nani Jisas ra kasak lukan, kan witin nani lika Jisas diara daukan ba kaiki banhwan bamna.

Jan 11:8

Disaipil nani mita pana win: —Smasmalkra, bisi pali baha sim pliska ra Ju nani mita walpa ni sabi mai ikaia mai munata, ¿bara man kli bahara waia lukisma ki?

Roman 12:15

Lilia uplika nani wal liliam bas, bara ini uplika nani ba wal sin ini bas.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

1 Tesalonaika 4:18

Baku bamna, pana pana walkam nani aikuki naha bîla nani wal maisa nihki tâm baiki bas.

1 Tesalonaika 5:11

Baha mita, pana pana tâm baiki bas, bara pana pana sin walkam ra hilp muni bas, nanara daukisma ba baku.

1 Samuil 31:13

Ningkara wîna tara ba Jabés ra bri si bikan, dus kum munhtara. Baha ningkara yu 7 witin nani kaiki plun piras kan, sari baman.