Jan 10:8 - DAWAN BÎLA AISKA

⁸ Sakuna baha nani sut yang kainira balan ba lika, âimplikra nani bara upla ra rausauhki dukia dadakbra nani kan; bara sîp nani ba mita witin nani ra walras kata.

Jan 10:8 ပူးပေါင်းရင်းမြစ်များ

Jirimaya 23:1

Dawan ba kasak aisisa: “¡Saura pali kabia baha sepadka nani ra, sîpki nani ba witin nani main kaikras swin ban tiwi banhwi ba!”

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Sakaraya 11:16

Kan yang naha kuntrika ra sepad kum mangkamna sîp aimawahkan ba dukiara diara lukras kabia ba, tiwan ba plikbia apia, insauhkan nani ba sîka daukbia apia, swapan ba sin plun yabia apia, sakuna sîp kau batana nani ba sut pibia, sûska nani sin swibia apia.

Jan 10:1

“Bamna yang kasak pali mai wisni, ani uplika sîp nani klarka ra dimaia durka ba swi si tnaya walak ni dimisa kaka, baha lika âimplikra bara upla ra rausauhki dukia dadakbra sa.

Jan 10:27

Sîpki nani ba bîli baikra pain walisa; yang bui witin nani ba kakaira sna, bara witin nani nini blikisa.

Jan 10:5

Bamna sîp nani ba mita upla tringsar nina lika blîkbia apia, sakuna witin nani ba wina plapbia, kan witin nani lika upla tringsar nani bîla baikra ba wawalra apia sa bamna.”

Apastil Nani Sturka 5:36

Man nani kupiam krawi banhwisa krani, nahki piua luan ra takan ba; Teudas kata ba buan, bara wisata witin lika upla tara kum sa, bara 400 waitna nani witin nina blikan. Sakuna witin ba ikan ningkara, baha nani ai nina bliki kan ba sut aihka aihka baman plapan.