Jan 10:35 - DAWAN BÎLA AISKA

³⁵ Yawan kaikisa Ulbanka dîa aisi ba, sip baha ba bahki wiras; bamna Gâd mita baha uplika nani ai smalkanka alki brin nani ba gâd nani mâkan sa.

Jan 10:35 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

2 Samuil 7:5

“Yang albiki Debit ra was, wal aisas bara wis, yang Dawan, naku wisni: ‘Man apia sika yang ra tempel kum mâki aikma, yang baha ra iwaia.

2 King Nani 15:12

Bara naku pali sika Dawan aisanka ba aimakan, Jehú ra aisan kan ba ai luhpia nani ba Israel ra king lâka ra iwi kabia kiamka walhwal kat. Bara baku takan.

1 Kronikas 22:8

Sakuna Dawan bui ai win: ‘Yang kaikisna, man ba uya upla tâlia laikram bara war sin uya aiklabram, baha mita man lika tempel ba mâkma apia.

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

Matiu 24:35

Kasbrika tasba wal lui wabia, sakuna bîli nani lika aimakan kabia.

Matiu 27:35

Pat dus prihni ra saban ningkara, suldiar nani ba dais pulan Jisas kwalka ba yui dauki briaia dukiara.

Matiu 5:18

Kan kasak man nani ra mai wisna, kasbrika purara bara tasba na kau ban kabia piua ra, mark lupia kumi, bîla sainka lupia kumi sin lâ ba wina sâkbia apia, dîa dîa takaia ba takbia kat.

Luk 16:17

“Sakuna kau swapni sa kasbrika pura bara tasba ba lui waia, lâ wina ulban markka lupia kumi aimakras kabia ba wal.

Jan 10:34

Jisas pana win: —Man nani lâmka ra Gâd aisin ba ulban sa: ‘Man nani ba gâd nani sma.’

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Jan 19:28

Naha diara ningkara, Jisas ai dara walan diara sut aisin ba aimakan, bara ulbanka ba aimakbia dukiara, witin bila: —Lî din ai daukisa.

Apastil Nani Sturka 1:16

“Muihki nani, piua ba baku aimakaia kan, piua luan Ulbanka nani ra aisi ba kat, nahki Spirit Holikira Debit bâk aisin ba Judas dukiara. Witin sika Jisas priski silak ra brih waia uplika nani tâ brin ba.

Roman 13:1

Upla sut ba wan tasba wihtka nani ra bawan kaia sa. Kan tasba wihtka kumi sin âpu sa Gâd wina mangkras ba, bara tasba wihtka bâra ba Gâd mita mangkan sa.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.

1 Samuil 15:1

Yu kum Samuil bui Saúl ra wan: —Damra walisma, Dawan bui ai blikan yamni mai munaia, ai uplika Israel luhpia nani kingka mai mangkaia. Bahamna nanara wals Dawan mai aisi na.

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.

1 Samuil 30:8

bara witin mahka Dawan wal aisin ba ra, makabi walan: —¿Baha âimplikra daknika ba nina blikamna ki? ¿Bliki alkaia sip sna ki? Dawan pana witin ra win: —Nina blîks, kan bliki alkma bara priski brih wan nani ba pri sakma.