Jan 10:12 - DAWAN BÎLA AISKA

¹² Sakuna wark taki uplika ba lika ai mana briaia dukiara baman wark takisa; bamna ani piua yul wail kaikan aula ba ra, sîpka nani ba swi si plapisa, kan witin ba sepad apia sa, bara sîp nani ba sin ai dukia apia bamna. Baku bamna, yul wail ba mita sîp nani ba alkuya, bara yakabrira baman daukuya.

Jan 10:12 ပူးပေါင်းရင်းမြစ်များ

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Jan 10:13

Naha waitnika na lika plapisa ai mana ba dukiara baman wark takisa bamna, bara baha mita sîp nani ba dukiara lukras pali sa.

Jan 10:2

Kuna durku dimi uplika ba sika sepad, sîp nani main kakaira ba.

Jan 10:3

Bara dur main kakaira ba mita sîp main kakaira dimbia dukiara dur ba kwâkisa, bara sîpka nani mita sin ai bîla baikra walisa. Ai sîpka nani nina kat mâki winisa, bara klar bîla wina saki latara brih auya.

Apastil Nani Sturka 20:29

Bamna kaikisna, yang wamna ningkara, upla wala nani balbia, serts ra upla nani bâra ba sauhkaia, bara sin yul wail prautkira nani mita sîp nani âpu dauki ba baku kabia.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 3:8

Baku sin, serts hilpika nani ba kulkanka bri uplika nani kaia sa; witin nani dîa aisin ba kat daukaia sa, bla tatakra kaia apia, bara lalah diara saura wina takan ba sin lihki kaia apia.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

1 Pita 5:2

Man nani mihtam ra Gâd sîpka nani mangkan ba, sepad nani baku main kaiki bas; bara wilin pali dauki bas, Gâd want ba baku, taibi mai muni baku lika apia. Wark ba lalah brin mai dauki pali baku lika daukpara, kuna upla dukia daukaia want pali baku dauks.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.