Jan 10:10 - DAWAN BÎLA AISKA

¹⁰ “Bamna âimplikra ba lika aula, implikaia bara iki âpu daukaia baman; sakuna yang balri na lika, witin nani raya kaia lâka bribia ba dukiara, bara baha sin manis pali bribia mata.

Jan 10:10 ပူးပေါင်းရင်းမြစ်များ

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:11

[Kan Upla Luhpia Waitna ba lika tiwan kan ba swaki sakaia balan.]

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 21:13

bara baha nani ra naku win: —Ulbanka ra wisa: ‘Yang waitla ba pura sunra watla win kabia’; sakuna man nani âimplikra nani watla daukram sa.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Mark 11:17

Bara witin nani ra smalki win: —Ulbanka nani ra naku wisa: ‘Yang waitla ba tasba aiska ra upla nani ai pura sunaia watla mâkan kabia’, sakuna man nani lika âimplikra watla daukram sa.

Luk 19:10

Upla Luhpia Waitna na balri sa, diara tiwan ba pliki swaki sakaia.

Jan 10:1

“Bamna yang kasak pali mai wisni, ani uplika sîp nani klarka ra dimaia durka ba swi si tnaya walak ni dimisa kaka, baha lika âimplikra bara upla ra rausauhki dukia dadakbra sa.

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Jan 12:47

Upla kumi bîla wali, sakuna baha kat daukras ba, yang mita lika pât ra lulkamna apia, kan upla pât ra lulkaia wisi yang na tasba ra balras, kuna swaki sakaia.

Jan 12:6

Judas naha aisin na lika umpira nani ra luki lika apia, kuna witin ba âimplikra kan ba mita, bara baha purkara lalah sakbatka ba twilki kata, bara witin baha sakbatka wina lalah impliki kan.

Jan 3:17

Gâd mita ai Luhpia naha tasba ra blikras kan, upla nani na pât ra lakaia, sakuna witin mita swaki sakaia.

Jan 5:40

sakuna man nani lika yang ra balaia want apia sma, baha rayaka ba briaia.

Jan 6:33

Kan Gâd mita yabi britka lika, kasbrika pura ba wina naha tasba ra bal iwan, tasba ra iwi uplika nani ra rayaka yabaia.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Roman 2:21

Bamna man mita upla wala smalkaia want sma ba, ¿dîa kan man yakan wînam ra smalkras sma ki? Man mita upla ra diara implikaia apia wisi smalkisma ba, ¿dîa muni man implikisma ki?

1 Timoti 1:15

Naha aisanka na lika kasak pali sa, bara upla sut kasak lukaia sa: Kraist Jisas ba naha tasba ra balan upla saurakira nani swaki sakaia, bara yang sika baha nani sut tila wina kau saura kapri ba.

Hibru Nani 6:17

Gâd want kan baha nani ra diara pramis munan ba briaia ba ra, param pali marikaia witin dîa daukaia luki kan ba sip pali lakras kan bara wilin kan baha kat daukaia; ba mita witin ai pramiska ba swer taki kira daukan.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.