Jan 1:34 - DAWAN BÎLA AISKA

³⁴ Pat yang mita kaikri, bara baha witniska sin aimakisna: witin sika Gâd Luhpia ba.”

Jan 1:34 ပူးပေါင်းရင်းမြစ်များ

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 16:16

Saiman Pita bila: —Man ba Misaya, Gâd rayakira ba Luhpia.

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 27:40

naku aisan kan: —¡Man, tempel ba slingbi yu yumhpa ra kli paskisma ba, man wînam kat swaki taks! ¡Gâd Luhpia sma kaka, dus prihni ba wina bal iws!

Matiu 27:43

Witin lika Gâd ra kasak lukan: ¡bamna Gâd mita witin ra swaki sâkbia nanara, witin baku want sa kaka! ¿Witin wan win apia, witin ba Gâd Luhpia sa?

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Matiu 4:6

naku win: —Kasak man ba Gâd Luhpia sma kaka, naha wina kauhs; kan Ulbanka ra wisa: ‘Gâd ai insalka blîkbia main mai kaikaia; ai mihta nani ni mai alki mai bukbia, minam ba walpa ra kra pruki latwan brima apia dukiara.’

Matiu 8:29

Bara ai bîla baikra tara wini banhwan: —Jisas, Gâd Luhpia, ¿dîa kan yang nani tilira dimisma ki? ¿Kau piua aimakras kan, yang nani ra rau ai sauhkaia balram ki?

Mark 1:1

Naku sika, Gâd Luhpia Jisas Kraist sturka yamni tâ krikan ba.

Mark 1:11

Bîla baikra kum sin kasbrika pura ba wina naku wisata: “Man ba yang Luhpi laitwankira sma; man ba bâk saki mai briri.”

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 3:22

bara Spirit Holikira ba latan kaikan butku baku witin purara bal iwan, bara bîla baikra kum kasbrika pura ba wina takan, naku win: —Man ba yang Luhpi laitwankira sma, bâk mai saki mai briri.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 10:30

Yang na Aisa wal kumi pali sni.

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Jan 11:27

Marta bila: —Âu, Dawan, yang kasak lukisna man ba Kraist, Gâd Luhpia ba, witinka naha tasba ra balaia kan ba.

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Jan 20:28

Tamas mita pana win: —¡Yang Dawanki bara yang Gâdki!

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 6:69

Yang nani pat kasak lukri bara sin kaiki banhwisna, man ba Holikira, Gâd wina sma.

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

Hibru Nani 7:3

Witin ba aisikas, yaptikas bara ya kiamka sapa sin upla kaikras ban takisa; ahkia aisubi takan bara ahkia pruan sapa sin upla tânka kaikras. Witin ba lika Gâd Luhpia wal baku sa: witin ba prîs aimaki ban sa, ban kaia ra.

1 Jan 2:23

Luhpia ra kulkras uplika nani sut ba, Aisa ra sin kulkras sa; sakuna ya Luhpia ra kulki ba, Aisa ra sin kulkisa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

1 Jan 4:9

Gâd yawan wan dukiara ai latwanka lâka ba param marikan, witin ai Luhpia kumi pali bri kan ba naha tasba ra blikan bamna, bara baku mika Kraist ba yawan sut raya kaia lâka bri kabia dukiara.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

2 Jan 1:9

Ani uplika Kraist smalkanka ba swi si ai kupia lâka kat ban tauki ba, witin lika Gâd luha pali sa; kuna ani uplika Kraist smalkanka kat ba, witin lika Aisa ba brisa bara Luhpia ba sin.

Param Marikanka 2:18

“Tiatira sertska insalka ra sin ulbi wis: ‘Gâd Luhpia ba, witinka ai nakra nani pauta lakni bri ba ai mina nani bras lipni baku bri ba mita wisa: