Jan 1:33 - DAWAN BÎLA AISKA

³³ Baha kat sin yang lika witin ba ya sapa kau kaikras katna; sakuna witinka lî ni tahbi daukaia ai blikan ba mita ai wisata: ‘Ani waitnika purara Spirit Holikira ba bal iwi takaskan kaikma ba, baha mita sika Spirit Holikira ni tahbi dauki ba.’

Jan 1:33 ပူးပေါင်းရင်းမြစ်များ

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Jan 1:31

Yang sin, witin ba ya sapa kaikras katna, kuna upla nani ra lî ni tahbi dauki balri, Israel luhpia nani mita witin ba kakaira takbia dukiara.”

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

Apastil Nani Sturka 1:5

Kasak mai wisni: Jan lika upla ra lî ni baman tahbi dauki kan, ban sakuna, kainamra kau yu kulki man sa, man nani lika Spirit Holikira ni tahbi mai daukan kabia.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

1 Korint 12:13

Baku ba mita yawan sut na, Ju nani kabia, apia kaka Grik nani kabia kra, alba nani, alba apia nani, tahbi wan daukan ba ra, asla wîna tara kumi paskan sa, Spirit kumi baman bâk; bara sut ra sin Spiritka kumi bâk wankan din sa.