Jan 1:14 - DAWAN BÎLA AISKA

¹⁴ Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:14 ပူးပေါင်းရင်းမြစ်များ

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Lawana Nani 45:2

Man waitna kau painkira sma, waitna wala nani ba wal. ¡Man unam aisisma ba, wan kupia aihka sakisa! Baha mita Dawan bui man ra yamni mai munbia ban kaia ra.

Lawana Nani 85:9

Kasak, sa, Gâd ba wan lamara sa, ya witin ra kulki nani ba swaki sakaia, bara ai prana ba wan tasbaya ra bâra kabia.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Isikiel 37:27

Witin nani tilara iwamna, bara yang ai Dawanka kamna bara witin nani upliki nani kabia.

Matiu 1:16

Jekob sika Meri maya Josep ba aisika. Meri sika Jisas yaptika, witinka nina Misaya mâki ba.

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Luk 2:7

Bahara witin ai luhpia waitna tawahkia ba aisuban, bara kwala ra karbi, daiwan pata watla ra tnikan, witin nani hutil ra takaskaia plis âpu kan bamna.

Luk 9:32

Pita ai pânika nani wal yapan dauki kan, sakuna ban yapras raya kan, bara Jisas prana ba kaikan, bara waitna wâl witin lamara kan ba sin.

Jan 1:1

Tasba na kau paskras kan ba ra, Bîla ba pat bâra kan. Bîla ba Gâd wal kan, bara witin sika Gâd kan ba.

Jan 11:40

Sakuna Jisas bila: —¿Yang mai wiras katna, man kasak lukma ba ra, Gâd prana ba kaikma?

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 14:9

Jisas pana win: —Pilip, nahki piua wihka yang lika man nani wal sna, ¿bara kau ai kakaira apia sma ki? Ani uplika yang ai kaiki ba, Aisiki ra sin kaikisa; ¿bamna, dîa muni Aisa ba kaikaia makabisma?

Jan 17:22

Man prana aikatma ba sika yang bui witin nani ra yâri, witin nani ba asla kumi kaia dukiara, man ba yang wal asla kumi ba baku.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 2:11

Naha na lika, pas sain kata Jisas daukan ba Kena Galili ra; baha wal ai prana ba marikan, bara disaipil nani ba witin ra kasak luki banhwan.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 3:18

“Ani uplika Gâd Luhpia ra kasak luki ba, pât ra lakan kabia apia, sakuna ya kasak lukras ba, witin lika Gâd Luhpia kumi baman ba ra kasak lukras bamna, pât ra lakan kabia.

Jan 6:51

Bara yang pali na sika, baha rayaka britka kasbrika purara ba wina bal iwan ba; ya naha britka na pibia kaka, ban kaia ra raya kabia. Baha britka yang mita yabamna ba lika, yang pali wîni tara ba sika. Yang baha yabamna, upla nani sut raya kabia ba dukiara.

Jan 8:32

Bamna diara kasak tânka ba kaikma; bara kasak tânka ba mita sin pri mai sâkbia.

Apastil Nani Sturka 13:33

Baha nani kiamka banhwisna bamna, yang nani ra Gâd ai pramiska dîa aisin ba kat daukan, witin Jisas pruan wina bukan ba ra, Pura Sunra Lawana wauhkataya 2 ra ulban ba baku: ‘Man ba yang Luhpi waitna sma; naiwa raya kaia lâka ba maikri sa.’

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

1 Korint 15:47

Pas upla tasba yuya ni paskan kan ba tasba wina kan; waitna wala witinka ba kasbrika pura wina sa.

2 Korint 12:9

kuna Dawan ai win: “Yang latwanki lâka sika man want sma ba; yang karniki ba kau pain param marikisni upla ba swapni ba ra.” Baha mita uya lilia sna swapnikira sna bamna, bara baku mika Kraist karnika ba yang ra param marikan kabia.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:19

Gâd brin dauki kan Kraist ra aiska dimi iwi kaia.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

Kolosi 2:9

Bamna Gâd tânka aiska ba, Kraist upla takan ba mita wan marikisa,

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 1:5

Bamna Gâd ba piu kumi sin ai insalka nani tila ba wina kumi ra naku wiras kata: “Man ba yang Luhpi sma, naiwa na, man Aisikam takri sa.” Baku sin, insal kumi dukiara sin naku aisaras kata: “Yang ba witin Aisika kamna, bara witin ba lika yang luhpia kabia.”

Hibru Nani 10:5

Baha mita, Kraist ba naha tasba ra aula kan ba ra, witin bui Gâd ra wisata: “Man ba daiwan nani iki sakripaiska bara prisantka ba sin brin mai daukras sa, sakuna yang dukira wîna tara kum ridi daukram sa.

Hibru Nani 2:11

Witin bui upla nani ba ai saurka nani wina tâski âpu daukisa, bara witin baha nani klin sakan ba sut sin, Aisika kumi luhpia nani sa. Baha mita, Jisas ba witin nani ra ai muihni wiaia ai swira lukras sa.

Hibru Nani 5:5

Baha sim natka ra, Kraist ba ai karnika mita prîs tara aimakras kan, sakuna Gâd mita baha kulkanka lâka ba yan, witin ra win kan ba baku: “Man ba yang luhpi sma; naiwa yang na man Aisikam takri sa.”

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

1 Jan 4:9

Gâd yawan wan dukiara ai latwanka lâka ba param marikan, witin ai Luhpia kumi pali bri kan ba naha tasba ra blikan bamna, bara baku mika Kraist ba yawan sut raya kaia lâka bri kabia dukiara.

2 Jan 1:7

Kuninkira ailal naha tasba ra wataukisa, bara witin nani lika Jisas Kraist upla kasakkira naha tasba ra balan ba tânka param pali aisin ba bîla wali daukras sa. Ya baha baku ba sika kuninkira, bara Kraist mapara ba.

Param Marikanka 19:13

Bara kwala dimi kan ba tala baman banhki kan, bara ai nina mâkan ba lika: Gâd Bîla.

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.