Jan 1:10 - DAWAN BÎLA AISKA

¹⁰ Baha Bîla ba naha tasba ra kan; Gâd mita witinka bâk naha tasba na paskan, sakuna naha tasba ra iwi nani ba mita witin ra kaikras kan.

Jan 1:10 ပူးပေါင်းရင်းမြစ်များ

Blasi Sturka 16:13

Agar Dawan wal aisin bamna, witin ai nina ba naku mâkan “Dawan diara kaiki ba”, kan witin naku aisin bamna: “Dawan bui yang ra ai kaikan bara yang kau raya sni.”

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:33

Dawan Ebraham wal aisi swin ba ra, witin baha wina mahka wan; bara Ebraham sin ai tintka watla ra kli tawi wan.

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Jan 1:11

Balan ai tasbaya pali ra, sakuna ai uplika nani mita witin ba briras kan.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

Jan 1:5

Naha ingnika na tihmu tara tilara ban ingwisa, bara tihmu tara ba mita sin sip daskras, ban ingwisa.

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 5:17

Sakuna Jisas witin nani ra win: —Yang Aisiki piu sut wark takan, bara yang sin wark takisna.

Apastil Nani Sturka 14:17

piua bani witin ba ya sapa tânka marikan, diara yamni dauki ba bâk: lî kasbrika purara ba wina wankisa, insla ra plun yan pâwisa, witin plun aitani wankisa yawan pih lilia kabia dukiara.

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Kolosi 1:16

Kraist bâk, Gâd mita diara nani kasbrika purara bara tasba ra ba sut paskan. Diara nani wan nakra ni kaiki ba, bara diara nani wan nakra ni sip kaikras ba sin; king aimaki nani ba, tasba purara karnika bri banhwi ba, tasba wihtka nani, bara spirit lâka mapara karnika bri nani ba sut, Kraist bâk paskan sa, bara witin dukiara sin bâra sa.

Hibru Nani 11:3

Kasak lukan lâka mita yawan kaikisa, Gâd mita tasba nani na ai bîla aisin ni paskan, bara baku mika nanara yawan diara kaiki na, diara nani yawan sip kaikras ba ni paskan kata.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.