Isikiel 9:9 - DAWAN BÎLA AISKA

⁹ Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Isikiel 9:9 ပူးပေါင်းရင်းမြစ်များ

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

2 King Nani 24:4

baku sin tala pâtkas Jerusalem ra laikan kan ba tâwan. Baha mita Dawan bui naha pâtka kau ban swih tikras kata.

Job 22:13

¿Nahki man sip sma wiaia, Gâd lika diara tânka briras sa, baha klaut nani ba mita munan sip lâ aisi daukras sa?

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Lawana Nani 94:7

Bara witin nani wisa, Dawan baha ba kaikras; Jekob Gâdka baha tânka sin briras sa.

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 29:15

¡Saura pali kabia baha nani ra, Dawan wina yukuwi ba witin nani dîa daukaia aisi ba yukukisa, ai watawika nani yukuwi dauki ba bara witin nani wisa: “Upla wan kaikras. Upla wala nu âpu sa”!

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Jirimaya 2:34

Upla umpira pâtkas nani tâlia prâmka ra alkan sa, baha uplika nani ba diara saura dauki kan man tayahkras kapram.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Inanka Nani 1:5

Ai waihla nani bui taibi brisa, ai lahmika nani lika pâwisa. Kan Dawan bui yan witin ra pât wahwisa, saurka nani uya daukan ba tâwan. Ai luhpia nani sut upla iwras tasbaya ra brih wan ai waihla nani mita.

Isikiel 7:23

“Sîn kum dauks, kan tasba na tala laikan lâka ailal pali sa bamna, bara tawan ba lâ krikaia lâka manis pali sa.

Isikiel 8:12

Bara yang ra ai win: “¿Kaikisma ki, Israel almukka nani yukuwan ra diara dauki ba, kumi bani witin bâra ba lilka nani ulbi daukan ba? Kan witin nani lukisa yang ba kaikras, bara kuntri ba sin lulki swiri.”

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Abakuk 1:4

Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’

Luk 11:50

Bamna Gâd naiwa piua uplika nani ra tasba paskan piua wina, ai prapitka nani iki banhwan tâlia mana makabia,

Kli Smalkanka 31:29

Kan kaikisni yang pruamna ningkara man nani saura yabaisma ba, yang yabal mamrikri ba wina tnaya ra tawaisma, bara baku sin nu sna naha ningkara man nani puramra pât saura nani balbia, Dawan nakra ra saura dauki kama ba mita; baha wal sin ai kupia baiwanka ba brima.”

Kli Smalkanka 32:5

“Upla saura bara kiamka warha, Gâd mapara buan nani ba sip ai luhpia nani takbia apia: