Isikiel 8:6 - DAWAN BÎLA AISKA

⁶ Baha ningkara ai win: “¿Kaikisma Israel luhpia nani diara saura dauki ba, baha nani wal sika, tempelki holikira wina laihura auya ba? Baku bamna, kau diara saura nani kaikma.”

Isikiel 8:6 ပူးပေါင်းရင်းမြစ်များ

2 Kronikas 29:5

Bara witin nani ra win: “Libait nani, wals: man nani klin taks nanara, bara Dawan tempelka ba sin klin dauks, damikam nani Dawanka ba. Holi pliska ba wina, diara tâski nani ba sut sâks.

Lawana Nani 78:60

Dawan wal aisaia watla, Siló ra kata ba bahki daukan, baha sika upla nani tilara, ai watla bri kata ba.

Sins Lâka 5:14

bara kau wiria kan, asla takanka aiska mawanra, yang pât saura kat dimi waia!”

Jirimaya 11:18

Dawan mita baha tânka mairikan naikra ilingkan waihla ba diara saura ai munaia wisi maipara diara dauki kan ba kaikaia.

Jirimaya 23:11

Dawan kasak aisisa: “Prapit nani bara prîs nani ba sin saura baman banhwisa; tempelki bilara saura dauki kan alkri.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 3:6

King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Jirimaya 32:34

Witin nani ban wih yang tempelki aihka saki aikan ba sin tâski daukan, witin nani paskan aidulka tâski ba baha bilara bri si swin.

Jirimaya 7:17

¿Witin nani Juda tawanka tara nani ra Jerusalem yabalka nani ra sin dîa dauki ba man kaikras sma ki?

Jirimaya 7:30

Dawan ba kasak aisisa: “Yang yamni kaikras sna, Juda uplika nani diara daukan ba: yang saura kaikisna aidulka ba witin nani bri yang tempelki ra brih wan bara waitla ba tâski daukan.

Isikiel 10:18

Bara baku Dawan prana ba, tempel banhta wina pura tani ra uli kata, bara kirubin lilka nani ba purara aimakata.

Isikiel 10:19

Naha nani ba ai tnawa nani ridi daukan ba ra, tasba wina buan; yang kaikri nahki buan ba, ai wilwaika nani tnaya ra, bara nahki sin takaskan ba, Dawan tempelka durka lalma tani ra ba ra. Baku ba ra Israel Gâdka prana ba, witin nani ai purara kan.

Isikiel 11:22

Rayaka bri nani ba ai tnawa buki pâlan, bara wilwaika nani ba sin witin nina blikan. Bara Israel Gâdka prana witin nani purara kata ba sin,

Isikiel 11:23

baha sin tawan ba purara wina taki pâli laihura wan tawan lalma tani ra ilka ba purara kaia wan.

Isikiel 14:6

Baku bamna, wis Israel luhpia nani ra: ‘Naku win Dawan ba: Kupiam laks, bara aidulkam nani ba wina taws, bara mamwan ba wauhi laks diara yamni kaikras lâka sut ba wina.’

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Isikiel 47:6

Baku bamna ai win: “Aman kaiks dîa pali kaikuma ba.” Bara ningkara aikan awalka ba un ra tawi balaia,

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 8:13

Bara kau pura praki ai win: “Kau ban diara saura dauki kaka kaikma.”

Isikiel 8:14

Bara Dawan tempelka ra dimaika durka pali ba kat ai brih wan, baha yahbra tani ra yaba. Tila mairin nani bâra iwi kan, Tamuz gâdka dukiara ini kan.

Isikiel 8:7

Ningkara ai brih wan pliska bîla tara dimaika ba kat bara kutbanka ba ra unta kum bâra kata.

Isikiel 8:9

ningkara yang ra ai win: “Dims, bara kaiks, yamni kaikaia apia dukia saura nani naha nani dauki ba.”

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.