Isikiel 8:18 - DAWAN BÎLA AISKA

¹⁸ Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Isikiel 8:18 ပူးပေါင်းရင်းမြစ်များ

Sins Lâka 1:28

“Baha yua ra ai winma, sakuna pana mai aisaras kamna; ai pliki banhma, sakuna ai sakras kama.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 59:1

Dawan karnika ba, kau sirpi takras sa, swaki sakaia kat praiska baku, witin sin kiama prawra takras bara wan walras kaia prais kat sa.

Aiseya 59:2

Sakuna man nani, watawikam lâka nani ba mita Gâdkam wal aihka dakbi mai sakan, saurkam nani ba mita, witin ai mawan ba man nani wina yukukan mai walaia apia lukan.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 23:39

man nani ba mai bukamna wirhika tara kum baku, man nani, tawankam kan ba, man nani ra maikri ba damika nani ra sin yabri ba, bara mai swirka laihura kauhma.

Jirimaya 44:3

watawika nani witin nani daukan ba tâka, witin nani gâd wala nani ra pura suni mayuni sakripais dauki kîa pain angki dauki, swiri daukan ba mita; baha gâdka witin nani kakaira apia bara ai damika nani sin kakaira apia kan ba.

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Inanka Nani 1:5

Ai waihla nani bui taibi brisa, ai lahmika nani lika pâwisa. Kan Dawan bui yan witin ra pât wahwisa, saurka nani uya daukan ba tâwan. Ai luhpia nani sut upla iwras tasbaya ra brih wan ai waihla nani mita.

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Isikiel 16:42

Bara man mampara kupi baiwanka ba, âiyapah brimna; bara lawanki lamni takbia, lamni takamni bara kau kupi baiwi kamna apia.

Isikiel 23:25

Yang kupi lawanka tara ra kupi baiwanka blikamni, bara witin nani mita kakmam, kiamam nani ba klakbia, bara baha nani tâka raya swin nani ba, sord malika ra ikan kabia. Luhpiam waitna bara mairin nani ba mihtam dakbi brih wabia, baku ba ra pauta lapta ra kauhbia bara âpu takbia.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Isikiel 9:5

Ningkara walri upla wala nani ra aisi kan: “Man nani lika witin ninara was tawan aiska ba taukaia, yang tempelki ba wina tâ kriks,

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Nahum 1:2

Dawan ba tâwan lalawra Gâdka sa, bara sin pana mamunra sa; ai lâka mapara nani ra, witin pana saura munisa. Bamna ai waihla nani mapara ai kupia sauhkisa.

Sakaraya 1:2

“Karnika sut brisna Dawanka, yang bui man nani damikam nani mapara uya kupi sauhkri.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

Luk 13:25

Utla dawanka ba dur ba prakbia ba ra, man nani latara banhwi kama ba, dur ra kingbi, wima: ‘Dawan, yang nani ra sin dur sâks.’ Sakuna witin mai wibia: ‘Man nani ba ani wina sma sapa yang mai kaikras.’

1 Samuil 8:18

Baha yua ra kupiam kriwan takbia, man nani kupiam lâka kat kingkam mangki briram ba dukiara, sakuna Dawan lika man nani ra mai walbia apia.