Isikiel 8:16 - DAWAN BÎLA AISKA

¹⁶ Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.

Isikiel 8:16 ပူးပေါင်းရင်းမြစ်များ

1 King Nani 8:29

Man lika naha tempelka na kakna bara tihmia aihwaki kaiki kama, naha tempelka ra man wiram bâra kaia, man wali kama albikam naha tempelka ra bal, ai pura suni piua ra.

2 King Nani 16:14

Bara baha bras altarka Dawan tempelka mawan kat kan ba lika, Ahaz bui saki altar ba yahbra tani ra mangkan, bara nanara Dawan altarka raya ba bara tempel ba lila kat kan.

2 King Nani 21:5

Bara altar wala nani paskan, Dawan tempelka watla kutbanka painkira wâl ba ra, bahara witin nani slilma nani kasbrika purara ba, baha mayunanka ra.

2 King Nani 23:11

Bara Juda kingka nani mita lapta ra kulkanka yabi aras nani daukan kan ba, Dawan tempelka dimaika pali mawan ba kat, baha nani ba sin sut sakan, baha lika Natán-mélec pura kakaira kata ba ai watla tnaya ra, lapta ra mayunaia dukiara wagin nani bri kan ba sut sin angkan.

2 King Nani 23:5

Baha ningkara prîs nani Juda kingka nani mita saki mangkan nani kan ba sut ai pliska nani wina sakan, baha nani ba idan nani pliska holi ba ra kîa pain nani angkbia dukiara wisi sakan kata; naha pliska nani ba Juda tasbaya ra kan, baku sin Jerusalem lama kir nani ra, sim baku sakan prîs nani Baal ra kîa yamni nani angki dauki kan ba, baku sin lapta, kati, slilma tara wala nani ra, kasbrika purara slilma sâtka sut bâra nani ra mayunra yabi kan nani ba.

2 Kronikas 29:6

Kan wan almukka nani ba Dawan yabalka wina tnaya ra kan, ai daukanka nani sin Dawan nakra ra saura kan bamna, Dawan ra sin swih banhwan. Ai nakra Dawan wina tnaya ra lakan bara Dawan bâra ba pliska saura kulki banhwan.

2 Kronikas 7:7

Baku sin tempel watla ra upla nani bara aidrubaia pliska ba ra pîska kum ba sin Salaman mita Dawan mihta ra mangkan, baha ra sakripais daukaia, baha sakripais batanka ba wal kupia kumi lâka daukaia dukiara, kan baha altarka Salaman bras ni paskan ba ra sip alkras kan aiska angkaia sakripaiska nani ba daukaia.

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 32:33

Witin nani ai nina yang ra tawan, ai mawan lika apia. Yang yu bani smalki takaskras pali katna sakuna, witin nani lika yang ra walras, saura dauki ba sin wapni takaia lukras kan.

Jirimaya 44:17

Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Jirimaya 7:18

Luhpia nani ba pauta wahbisa, aisika nani pauta ba mukisa, bara yaptika nani ba plawar ba akbi plitas nani daukisa, gâd mairin Kasbrika purara Kwinka ba ra yaia. Baha dauki mini prukisa, bahara wain prisantka yabisa, baha purkara sin, witin nani kakaira apia ba gâdka ra wain prisantka ba yabisa.

Jirimaya 8:2

witin nani lapta, kati, slilma nani ra latwan kaikan, baha warkka daukan, nina blikan, baha nani ra aisi ai tânka pliki wali kan, bahara mayuni kan ba mawanra lulki swibia. Upla kumi sin baha dusa nani ba bikaia wisi alki bukbia apia. Tasba ra prawi kabia, daiwan kânka nani baku.

Isikiel 10:3

Baha piua ra rayaka bri ai tnawa bri nani lilka ba tempel waupasa tani ba ra kan, bara kutbanka lilapas ba kasbrika ni banhwan kan.

Isikiel 11:1

Gâd karnika ba ai bukan bara ai brih wan, Dawan tempelka dimaia lalma tani kat. Durka ra 25 waitna bâra kan, baha tilara kaikri Jaazanías, Azur luhpia ba, bara sin Pelatías, Benaías luhpia, tawan lalka bâk sakan ba.

Isikiel 23:35

“Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Isikiel 23:39

Bara sim yua, ai luhpia waitna nani, ai kulkaia wisi aidul ra sakripais daukan, baha yua witin nani tempelki holi ra bal tâski daukan. ¡Baha sika yang waitla pali ba kat tâski daukan ba!

Isikiel 40:28

Tempel ra waia waupasa tani getka ba ra ai brih wan. Bara getka ba pas kulki kaikan bara kaikan get wala nani lata wina bal dimaia getka nani ba wal baku kan yahpika yarika nani ba.

Isikiel 40:6

Baha wina witin lalma tani getka ra wan. Bara tips bâk uli purara wan, getka tani wâl ba kulki, baha sin 10 pît bîla yahpika bri kan.

Isikiel 43:5

Bara Gâd ai karnika ni ai alki ai bukan bara tempel lilapas kat ai brih wan, bara yang kaikri tempel bîla Dawan prana ni banhwan kan.

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Isikiel 45:19

Prîs ba daiwan tâlia ba wirâ bri saurka swi tikaia sakripaiska ba wina bri, bara tempel dimaia durka playa ra yûkbia, altar tani playa walhwal ba ra, baha kutbanka painkira bilara ba.

Isikiel 46:1

“Yang Dawan sna ba, aisisni: Kutbanka painkira latka bîla lalma tani ra durka ba prakan kaia sa, yua matlalkahbi wark taki ra; bara ris yua ra bara kati raya yua ra.

Isikiel 7:23

“Sîn kum dauks, kan tasba na tala laikan lâka ailal pali sa bamna, bara tawan ba lâ krikaia lâka manis pali sa.

Isikiel 8:15

Ningkara yang ra ai win: “¿Naha kaikisma ki? Kan kau ban diara saura nani kaikma.”

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Kli Smalkanka 17:3

gâd wala ra ai lula kriki witin nani mawanra mayunisa, lapta, kati, apia kaka, slilma nani ra Dawan mita adar yabras kan ba,

Kli Smalkanka 4:19

Bara kasbrika ra, lapta, kati, slilma nani, slilma tara nani kaikma piua ra baha nani ra mayuni traika kaikan ra kauhpara, kan Dawan Gâdkam paskan sa tasba aiska uplika nani sut dukia.