Isikiel 7:4 - DAWAN BÎLA AISKA

⁴ Umpira kaikan lâka ni mai kaikamna apia, klala maikaisna man daukankam ba dukiara, bara maikrika man saurkam nani tâka, dîa takan nani ba mana aibapma. Bara damra walma yang sika Dawan sna.

Isikiel 7:4 ပူးပေါင်းရင်းမြစ်များ

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Isikiel 11:21

Sakuna baha nani saurka ra iwi nani ba, bara upla yamni kaikras nani ba, yang mita makabamni ai daukanka saura nani mana aibapaia. Yang, Dawan ba, kasak mai wisni.’ ”

Isikiel 12:20

Upla iwi tawanka ba sut sauhki tikan kabia; kuntri ba upla iwras tasbaya takbia. Bara damra walma yang sika Dawan sna ba.’ ”

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Isikiel 23:31

Man muihkam wapanka nani nina blikram; baha mita sin kapka diaia yâri ba, baha man sin dima.

Isikiel 23:49

Baha mairka wâl ba klala bribia, daukanka saura ba tâwan, bara aidul lâka saurka dauki ba mita sin. Bara man nani damra walma yang sika Dawan sna ba.”

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Isikiel 33:29

Upla iwras tasbaya ra, yang kuntri ba sauhki tikanka ra dingkri ai saurka tara pali witin nani daukan ba tâwan; baku mika ai dara wali banhbia yang sika Dawan sna ba.’

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 6:14

Bara yang mihti sakbamni witin nani mapara klala yabaia, upla iwi tasbaya nani ba waupasa tani wina Riblá yahbra tani kat, kuntrika ba upla iwras tasbaya sibrin wan daukaia tasbaya daukamni. Bâra mika tânka bri banhbia yang sika Dawan sna ba.”

Isikiel 6:7

Bara pruan nani ba man nani tilamra ailal pali kauhan kabia; bara damra wals yang sika Dawan sna ba.

Isikiel 7:27

King ba sari kwalka dimbia, wihta tara ba sari lâka ra kauhbia bara tawan uplika ba tatatbia. Ai daukanka ba kat munamni bara lâka daukamni, witin nani nahki praiska lâ daukan ba. Baku ai dara walbia yang sika Dawan sna ba.”

Isikiel 7:3

Israel, piuam tnata ba pat aula, yang kupi baiwanka man mampara lulki swisna, man wina makabisna tânkam saura ba bara klala maikisna diara saura pali nani ba.

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Emus 7:8

Bara witin bui yang ra maikabi walan: —Emus, ¿man dîa kaikisma? Yang pana wîri: —Utla playa wapni bapaia mangki kaikaia kiwka kum kaikisna. Bara Dawan kli ai win: —Nanara lika, yang kli kupi swapni daukamna apia. Kaiks: upliki Israel luhpia nani warha takan ba, naha wapni mangkaia awa na ni mangki kaikamna ai daukanka nani ba.

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Hibru Nani 10:30

Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.” Bara naku sin aisisata: “Dawan ba ai uplika nani lâka daukbia.”