Isikiel 7:16 - DAWAN BÎLA AISKA

¹⁶ Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Isikiel 7:16 ပူးပေါင်းရင်းမြစ်များ

Esdras 9:15

“Dawan Israel Gâdka, man kasak wapni pali sma, ban pât nani tilara man mita daukram, yang nani dakni lupia kum naiwa yua kat kau ban raya kaia, baku yang nani naiwa nâra sna. Yang nani sika pâtkira sna, man kaikisma; baha mita lamamra kaia sip apia banhwisna.”

Lawana Nani 55:2

Yang ra wali bara pana ai aisas; trabilki tila wina mamkabisna. Waihli bîla baikra ba mita ai tatatbisa, watawikira nani winanka ba mita sin. Sari lâka ni wirha ai taiban sa; praut pali taki yang ra aisisa.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 37:31

Bara ya nani pruras swakwan nani ba, Juda ra inta wahia baku pâwi kabia: ai wakia nani sâkbia bara mâ ailal sin sâkbia.

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Aiseya 59:11

Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Aiseya 59:12

Yang nani mampara buri diara ailal saura dauki; bara baha saurka nani ba maipara witnis sa; kan yang nani watawiki lâka nani ba yang nani wal sa, bara yang nani sin saurki nani ba kaikisna.

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 44:14

Baha daknika lupia Juda wina Idsip ra iwaia wan ba wina, kumi sin plapi swakwi raya kabia apia. Witin nani kli Juda ra bal takaski iwaia lukbia sin, sakuna sip tawi balbia apia, ban kra plapi baman tauki nani ba wina kulki lika.’ ”

Jirimaya 44:28

Upla maura baman war ra pruras Idsip wina kli Juda ra balbia. Baku, Juda ra takaski iwan nani ba Idsip ra wih iwan nani sin kaikbia, ya aisin bîla ba kat diara nani takan sapa, yang aisisna ba, apia kaka witin nani aisin ba takan sapa.

Jirimaya 9:19

Laih Jerusalem latwan saura bri ini ba walisa: ¡Alai, nahki muni yawan naku wan slingbi wan sauhkanka na ra diman! ¡Saura wan kulkan pâtka yawan wahwisa! Yawan wan kuntrika swih waia sa, wan watla nani sut slingwan sa.

Isikiel 14:22

Upla wiria man raya takaskbia, bara baha wina ai luhpia waitna bara mairin brih taki wabia. Ansa piua ra man nani ra wabia ba ra, kaikma nahki man nani wal iwan ba, bara diara man nani wal daukan ba, bara klala ba wina maisa nihkan kabia, Jerusalem purara bri balri ba.

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Nahum 2:7

Kwin mairin ba alki priski, alba lâka ra brih auya, bara albika mairin nani witin wal brih auya, baha nani butkuka lawi baku ai mamna lulki, ai lama pruki inisa.

Sofonías 1:14

¡Dawan yua tara aula ba, pat baila sa! ¡Pat klutka sa, baku sin isti pali aula! Dawan yua binka tara ba, saura, tahpla pali kabia, ¡kau kupia karnakira nani ba sin ini wini kabia!