Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.
Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.
Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.
Bamna Dawan Joaquim, Josías luhpia waitna Juda kingka ba dahra aisisa: “Witin prubia ba sarka inaia upla âpu kabia. Upla kumi sin âpu kabia pura mata ini aisaia: ‘¡Alai, muihki! ¡Alai, laikra! ¡Alai, Dawan! ¡Alai, king tara!’
Dawan mita daukbia baha yua ra upla nani prubia ba, tasba tâ kum wina tâ wala kat pruan nani ba prawi kabia. Upla kumi sin baha nani pura mata inbia apia, upla kumi sin baha nani bikaia alki bukbia apia; daiwan kânka nani baku tasba ra pruan kabia.
Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”
“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.
Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.
Dawan bui ai win: “Man mihtam pruki minam tingbi ins; wini ins Israel watawika lâka saura daukan latwanka ba mita, war, plun wahwan bara siknis nani tâka witin prubia.
Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.
Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.
Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.
Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!
Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.