Isikiel 6:7 - DAWAN BÎLA AISKA

⁷ Bara pruan nani ba man nani tilamra ailal pali kauhan kabia; bara damra wals yang sika Dawan sna ba.

Isikiel 6:7 ပူးပေါင်းရင်းမြစ်များ

2 King Nani 19:19

Bamna nanara, yang nani ra Dawan wan Gâdka, nanara swaki wan sâks karnikam ba ni witin nani mihta ba wina, bara king tasbaya nani sut ba kaikbia man baman Dawan Gâd sma ba.”

Impakan Sturka 14:18

Yang karniki ba king fero war waginka nani bara aras âiulra nani ba purara sin mariki kamna. Bara Idsip uplika nani ba kaikbia, yang sika Dawan sna tânka ba.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 25:33

Dawan mita daukbia baha yua ra upla nani prubia ba, tasba tâ kum wina tâ wala kat pruan nani ba prawi kabia. Upla kumi sin baha nani pura mata inbia apia, upla kumi sin baha nani bikaia alki bukbia apia; daiwan kânka nani baku tasba ra pruan kabia.

Inanka Nani 4:9

Baha nani aiklabaia sordka wal aiklabi ikan nani ba kanra yamni sa, baha nani plun bla prui nani ba wal, kan witin nani na tawa tawa ra pruan bamna, ai tasbaya wina plun mâ piaia sip sakras tâka.

Isikiel 11:10

Sord malka ra pruma. Yang bui Israel tasbaya piarkika ra lâmka daukamna, bara damra walma yang sika Dawan sna ba.

Isikiel 11:12

Bara damra walma yang sika Dawan sna ba; kan yang lâika ra taukras kapram bamna, yang lâ yabri ba bîla walras, kuna nisan wala nani kir mai bri ba natka kat man nani dauki banhram.’ ”

Isikiel 12:15

Bara pat yakabi lakan kabia piua ra, kuntri wala bara nisan wala mita ai dahra walbia, yang sika Dawan sna ba.

Isikiel 12:19

Bara kuntri uplika nani ra wis Jerusalem, bara Israel luhpia nani sut: ‘Naha wisa Dawan ba: Sarikira ni patam pih banhma bara sibrinkira ni, diaia laya ba dima. Kuntri ba sauhkan pali kabia bara bîla man kabia; bahara iwi nani saurka tâka ba mita.

Isikiel 13:14

Bara baha kutbanka man nani mita pihni daukram ba batakamna; tasba kat yakabamna, bara playka tara nani ba param sakan kabia. Âu, tnaya kutbanka ba mâyara bal iwbia, bara baha kriwanka nani tilara man nani pruma. Bamna yang Dawan sna ba man nani bâra kaikma.

Isikiel 13:21

Pri sakamni upliki nani ra, man nani karnikam wina bara lamla bikaika mai mangkan ba wina, bara kli lika alkma apia. Bahara man nani damra walma yang sika Dawan sna ba.

Isikiel 13:23

Baha mita man nani kli diara lilka kunin kaikaia tânka kaikma apia, dahra kunin aisaia tânka sin brima apia. Yang upliki nani ba swaki sakamna man nani karnikam wina, bara damra walma yang sika Dawan sna ba.’ ”

Isikiel 13:9

Yang mihti ba bukamna klala yabaia, prapit nani diara bahki nani kaiki bara kunin man smalki nani mapara; tawanki asla takanka ra âpu kabia; nina sin ulban kabia apia, Israel watla uplika wauhtaika ra, Israel tasbaya ra sin tawbia apia. Bara damra walma yang sika Dawan sna ba.’

Isikiel 14:8

Yang maiwan baha uplika wal prawamna, bara klala kum yabamni upla sut kaikaia, diara kum upla sut aisabia, uplika ba sin upliki nani tila wina sakamna. Bara man nani damra walma yang sika Dawan sna ba.

Isikiel 15:7

Yang param takamni, witin nani ai waihla kaia. Pauta wina swakwi takbia sin, sakuna pauta wala mita angki âpu daukan kabia, bara baha piua ra, yang, man nani waihlam kaia param takamna; man nani damra walma, yang sika Dawan sna ba.

Isikiel 20:26

Sans yabri tâski takaia, prisantka aidul nani ra yabi, bara pauta ra ai luhpia tawahkia sakripais dauki. Naha daukri sibrin daukbia wisi, bara baku ai tânka bribia yang sika Dawan sna ba.’

Isikiel 20:38

Mapara babura bara turbanka dadaukra nani ba wina dakbi mai sakamni, bara nanara upla tasbaya ra iwisma ba wina mai sakamna; kuna witin nani Israel tasbaya ra dimbia apia. Bara baku man nani damra walma, yang sika Dawan sna ba.

Isikiel 20:42

‘Bara maikrika man nani Israel ra dimma, baha kuntrika pramis munri kan ba almukkam nani ra; bara man nani damra walma yang sika Dawan sna ba.

Isikiel 20:44

Israel luhpia nani, yang bui man nani ra dîa mai munri ba, saurkam dukiara lika apia, natkam saura nani dukiara sin apia, kuna yang nini kulkanka tâka, baha ningkara tânka bri banhma, yang sika Dawan sna ba. Yang, Dawan, kasak aisisna.’ ”

Isikiel 22:16

Aikrika saura ra takaskamna nisan nani wala mawanra, kuna man damra walma yang sika Dawan sna ba.’ ”

Isikiel 23:49

Baha mairka wâl ba klala bribia, daukanka saura ba tâwan, bara aidul lâka saurka dauki ba mita sin. Bara man nani damra walma yang sika Dawan sna ba.”

Isikiel 24:24

Isikiel ba man nani mampara smalkanka kum kabia, bara dîa dîa witin daukan ba sut, man nani daukma. Naha takbia ba ra, tânka bri banhma yang sika Dawan sna ba.

Isikiel 24:27

Baha yua ra bîlas kaia lâka swima, bara ya plapi swakwan ba wal aisama. Baku sampla kum kama tawan ba mapara, bara witin nani ai tânka bribia yang sika Dawan sna ba.’ ”

Isikiel 25:17

Saura pali witin nani ra pana munamna, kupi baiwanka wal klala yabamna. Baha piua ra naku daukamna ba ra, ai tânka bribia, yang sika Dawan sna ba.”

Isikiel 26:6

Bara tawanka wala wina bal iwan nani ba sin, sord malika ra kauhbia. Bara ai tânka bri banhbia, yang sika Dawan sna ba.

Isikiel 28:23

‘Man mampara siknis nani blikamna, bara tala laiwi kabia man yabalkam nani ra; uplikam nani ba sut prui tiwan kabia, sord nani ni rausauhkan kabia, tnaya bani wina. Bara ai tânka bribia yang sika Dawan sna ba.

Isikiel 30:26

Yakabrira daukamna Idsip wina nani ba tawan bara nisan sât sât tilara iwi nani ba, bara ai dara wali banhbia yang sika Dawan sna ba.”

Isikiel 32:15

Idsip ba upla iwras tasbaya daukamna bara kuntri ba bîla man takbia, upla âpu ba ra, ai dara wali banhbia yang sika Dawan sna ba.’

Isikiel 35:15

Man lilia takram Israel mita kuntri wala nani dakbi ai dukia bri kan ba sauhkan ba ra, sakuna man nani ra sin baku takbia: Man upla iwras tasbaya takma, Seír ilka, Edom kuntrika. Baha ningkara ai dara wali banhbia yang sika Dawan sna ba.’

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Isikiel 6:13

Aidul nani ba tilara altarka nani kaina kir bara kiuhsi nani purara, il nani purara, dus sangni pâwi nani munhtara, usupum dusa dista bri nani ba munhtara, witin nani diara kîa pain nani angki ai aidulka nani ra yabi ba pliska nani ba ra, upla pruan nani bâra kabia ba kaikbia, bara man nani wima yang sika Dawan.

Isikiel 6:6

Man nani iwram pliska nani sut ra tawan nani ba sauhkan kabia, idan nani ai pura suni altarka nani ba slingban kabia, altarka nani ba sut pali aiska slingban kabia, aidulka nani ba sin yuya sirpi man daukbia; baha altarka nani ra kîa pain nani angki ba batakan kabia; man nani diara nani paskram ba sut tiwan kabia.

Isikiel 6:8

Sakuna yang daukamna man nani kum kum lika baha nani tila wina raya kaia, sakuna mai yakaban kaia nisan nani tilara.

Isikiel 7:4

Umpira kaikan lâka ni mai kaikamna apia, klala maikaisna man daukankam ba dukiara, bara maikrika man saurkam nani tâka, dîa takan nani ba mana aibapma. Bara damra walma yang sika Dawan sna.

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Isikiel 9:7

Baha ningkara witin nani ra win: “Tempel ra was bara tâski dauks; pruan nani wal kutbanka painkira ba banhks.” Witin nani taki wan bara tâ krikan tawan ra upla ikaia.