Isikiel 5:2 - DAWAN BÎLA AISKA2 Tawan ba sauhki lubia ba ra, tâmwa mânka kum ba tawan lila kat angks; ba ningkara skiru kum bris tâmwa mânka wala ba klaki dauki tawan aiska ra yakabi swis, bara wala mânka yumhpa lika pâsa ra lulks. Bara yang lika upla nani ninara tawan ra wamni, mihti ra sord kum brih ki. အခန်းကိုကြည့်ပါ။ |
Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’
Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.
Naha kuntrika ra iwi nani ba tila wina kwâra tara prui banhbia; bara kwârika wala baman raya kabia. Baha raya nani ba pauta klauhi bâk bri lui wamna; silbar baku slilki sunu sakamni, gul lipni daukan ba baku daukamni. Bara witin nani bui yang ra ai pura sunbia, yang sin pana witin nani ra aisamna. Bara ai nina ba sin ‘Yang upliki nani’ mâkamni, bara witin nani sin pana ai wibia: ‘Dawan ba yang nani Gâdki.’ Yang, Dawan, naha aisisni.”