Isikiel 5:13 - DAWAN BÎLA AISKA

¹³ Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Isikiel 5:13 ပူးပေါင်းရင်းမြစ်များ

Aiseya 1:21

¡Tawan tara kasakkira katma ba, nahki muni rug mairin wal baku takram! Blasi ra, uplikam sut ba, kasak lâka ra diara dauki kata ba bara wapni lâka ra iwi kan, sakuna nanara upla âikra nani baman bâra sa.

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 15:9

Luhpa ailal bri kan yaptika nani ba kupia lap tiwan kauhan, sip ai wingka puhbras kan; swira paskan mâyara batakan, lapta ingnika ba witin nani ra tihmia takan. Tila kau raya ba, yang yabrika waihla nani mita ikaia. Yang Dawan ba, yang bîli mai wisna.”

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Isikiel 13:15

Yang kupi baiwanka aiska, baha kutbanka bara kutbanka pihni daukan nani ba pura laikamna; bara upla nani aisabia: ‘Kutbanka ba âpu sa, bara yuki pihni daukan nani ba sin.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 16:42

Bara man mampara kupi baiwanka ba, âiyapah brimna; bara lawanki lamni takbia, lamni takamni bara kau kupi baiwi kamna apia.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 17:21

Ai suldiarka nani kau yamni ba war ra prubia, ya kau raya kabia ba pâsa mina walhwal ra yakabia. Baku damra walma yang, Dawan, aisisna ba.

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Isikiel 21:17

Yang sin maisa pakamni kupi aisawanka lamni takbia kat. Yang, Dawan, naku wisni.”

Isikiel 21:22

Mihta aihkika wina trisba ba takan, Jerusalem tani ra marikisa, bara baha tânka, dahra wal kutbi alkaia dukia ni dimi iki tikaia sa, war aiklabia pura wini kira, durka nani ba yuski munbia, uli aiklabaika kum daukbia, bara aiska pali kutbia.

Isikiel 23:25

Yang kupi lawanka tara ra kupi baiwanka blikamni, bara witin nani mita kakmam, kiamam nani ba klakbia, bara baha nani tâka raya swin nani ba, sord malika ra ikan kabia. Luhpiam waitna bara mairin nani ba mihtam dakbi brih wabia, baku ba ra pauta lapta ra kauhbia bara âpu takbia.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Isikiel 6:10

Bara witin nani ai dara walbia yang sika Dawan sna; saura nani ba man nani ra blikaia pramis mai munri ba, baha yang bahki aisaras.’ ”

Isikiel 6:12

Ya laihura nani ba siknis wal prubia, ya pruras lamara ba sord malka ra prubia, ya takaskbia ba, plun wahwan wal prubia. Baku bal aimakbia kupi baiwanka ba.

Isikiel 7:3

Israel, piuam tnata ba pat aula, yang kupi baiwanka man mampara lulki swisna, man wina makabisna tânkam saura ba bara klala maikisna diara saura pali nani ba.

Isikiel 7:8

Nanara isti pali kupi baiwanka ba, man nani puramra laikamni, yang âiyapah brimna kat man ra mamkabamni daukankam dukiara, bara klala maikamni daukankam saura nani ba tâwan.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 9:2

Pas mani witin king aimaki kan ba piua ra, yang Daniel, prapit Jirimaya wauhkataya aisi kaiki tânka pliki kapri, baha 70 mani Jerusalem sauhki tikanka piua tnata alki luan kabia ba, Dawan bui prapit ra win kan ba baku.

Oseas 10:10

Yang klala yabamna naha tawanka ra, ansa piua ra yang want sna ba ra. Witin mapara nisan nani asla takaisa, ansa piua ra, yang klala yabamna ai saurka tara mata.

Sakaraya 6:8

Baha ningkara insal ba karna ai winan: “¡Kaiks, baha nani yahbra tasbaya ra wan nani ba mita, baha tasbaya ra Dawan kupia baiwanka ba daskisa!”

Kli Smalkanka 28:63

Bara Dawan mita man ra pain mai lukan yamni mai daukaia man ba ailal sahwi kaia, nanara sin baku pain mai kaiki kabia, mai slingbi mai sauhki tikbia ba sin pain kaikbia, saura wina wakia wal mai daiki sâkbia baha kuntrika man briaisma ba wina.

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.