Isikiel 5:12 - DAWAN BÎLA AISKA

¹² Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Isikiel 5:12 ပူးပေါင်းရင်းမြစ်များ

Aiseya 1:24

Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Jirimaya 13:24

Baha mita man nani ba ani anira mai yakabamna yahbra payaska mita rais taya bri pâli baku.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 15:2

Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’

Jirimaya 15:9

Luhpa ailal bri kan yaptika nani ba kupia lap tiwan kauhan, sip ai wingka puhbras kan; swira paskan mâyara batakan, lapta ingnika ba witin nani ra tihmia takan. Tila kau raya ba, yang yabrika waihla nani mita ikaia. Yang Dawan ba, yang bîli mai wisna.”

Jirimaya 21:9

Ya tawan ra takaskbia ba war ra prubia, apia kaka sanglang mita siknis mita sin kra. Sakuna, ya naha wina taki Caldea uplika nani tilara dimbia kaka witin nani nanara tawan mapara aiklabi ba aikuki, witin prubia apia; ai rayaka ba pan swaki sâkbia.

Jirimaya 24:10

Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”

Jirimaya 42:22

Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 44:27

Kan yang aihwaki kaiki kamna pât nani ba man nani ra blikaia, diara yamni nani lika apia. Juda uplika nani sut Idsip ra iwi ba titikbi âpu daukaisna war ra, apia kaka sanglang ni.

Jirimaya 9:15

Baha mita, yang Dawan, karnika sut brisna ba, Israel Gâdka ba, aisisna: Baha nani ra diara tahpla pali kum diaia yabaisna ba puisin laya.

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Isikiel 12:14

Bara yakabi lakamna tasba mapa walhwal ra, suldiar nani wan kutbi kir wan kaina kahbi ba sin, war aiklaklabra kwâra tara wala ba baku, bara nina bliki yakabamni mihti ra sord kum wal.

Isikiel 14:17

“Apia kaka, baha kuntrika purara war blikamna kaka, adar yamna upla nani bara daiwan nani ba sut ikaia.

Isikiel 14:19

“Apia kaka siknis blikamna baha kuntrika ra, bara kupi baiwan ra prura mâ ba bahara mangkamna, upla nani bara daiwan nani sin pruaia,

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 16:42

Bara man mampara kupi baiwanka ba, âiyapah brimna; bara lawanki lamni takbia, lamni takamni bara kau kupi baiwi kamna apia.

Isikiel 21:22

Mihta aihkika wina trisba ba takan, Jerusalem tani ra marikisa, bara baha tânka, dahra wal kutbi alkaia dukia ni dimi iki tikaia sa, war aiklabia pura wini kira, durka nani ba yuski munbia, uli aiklabaika kum daukbia, bara aiska pali kutbia.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Isikiel 33:27

“Bara sin wis: ‘Dawan ba naku wisa: Rayaki wal swer takisni, tawan sauhki tikan nani ra iwi nani ba sin ikan kabia, bara insla ra iwi nani ba yabrika takbia bara daiwan wail nani mita pibia, bara walpa tilara iwi nani ba, siknis wal prubia.

Isikiel 36:19

bara klala yabamni ai daukanka saura nani ba tâwan bara kuntri wala nani yakabrira daukamna nisan wala nani tilara.

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Isikiel 5:10

Man nani tilamra ai luhpia papira aisika nani bâra sa, bara luhpia nani sin ai papika ra pi nani ba bâra sa. Man mampara lâ ba daukamni, bara dîa takaskbia ba plis bani ra lakamna.

Isikiel 5:17

Âu, man nani puramra yabrika plun wahwan balbia, siknis nani, prura, daiwan wail nani, luhpa âpu mai swibia; bara mai daukamni man nani tilam wina manis war ra pruaia. Yang, Dawan ba, naku aisisna.”

Isikiel 5:2

Tawan ba sauhki lubia ba ra, tâmwa mânka kum ba tawan lila kat angks; ba ningkara skiru kum bris tâmwa mânka wala ba klaki dauki tawan aiska ra yakabi swis, bara wala mânka yumhpa lika pâsa ra lulks. Bara yang lika upla nani ninara tawan ra wamni, mihti ra sord kum brih ki.

Isikiel 6:8

Sakuna yang daukamna man nani kum kum lika baha nani tila wina raya kaia, sakuna mai yakaban kaia nisan nani tilara.

Isikiel 7:15

Latara war bâra sa, bara bilara siknis bara plun wahwan. Ya twi langni ra ba, war ra prubia, bara ya tawan bilara ba plun wahwan bara siknis mita ikbia.

Isikiel 7:3

Israel, piuam tnata ba pat aula, yang kupi baiwanka man mampara lulki swisna, man wina makabisna tânkam saura ba bara klala maikisna diara saura pali nani ba.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Emus 9:4

Ai waihla nani mita alki priski upla iwras tasbaya ra brih wabia kaka, bahara sin, yang sord blikamna bara witin nani ba ikbia. ¡Yang bui witin nani ra kaiki ban kamna, yamni munaia dukiara apia, sakuna saura munaia dukiara!”

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.

Param Marikanka 6:8

Yang kaikri, bara bahara aras lalahni kum kata. Baha purara uli kan ba nina Prura. Bara baha ninara pruan nani tasbaya wina ba aula kan, witin nani ra karnika yan kan tasba mânka walhwal ba wina mânka kumi ba purara karnika alkaia, bara war daukaia, plun tiwan nani sin bri balaia, siknis nani bara tasba daiwra wail nani ni sin bri balaia upla ikaia.