Isikiel 5:11 - DAWAN BÎLA AISKA

¹¹ Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 5:11 ပူးပေါင်းရင်းမြစ်များ

2 King Nani 21:4

Baha sut purkara sin, Dawan tempelka ra altarka nani paskan, baha dukiara sika Dawan aisin witin ai nina ba Jerusalem ra bâra kabia baha pliska ra.

2 King Nani 21:7

Baku sin Aserá lilka paski Dawan tempelka ra mangkan, baha kainara Dawan mita Debit bara Salaman ai luhpia wal ra wisata ba: “Naha Jerusalem tempelka watla ba bâk saki briri sa, Israel kiamka nani tila ba wina, yang iwaia waitla ban kaia ra bâra kabia.

2 King Nani 23:12

Baha purkara sin, Juda kingka Ahaz, pura tani ra asla takaia pliska paskan kan ba, bara altar nani Manasés mita paskan kan ba, Dawan tempelka latka tani ra, baha nani sut sauhki tiki, yuya nani ba Cedrón tingnika ra lulkan.

2 Kronikas 33:4

Bara altar nani paskan Dawan tempelka watla ra, baha dukiara kan wina Dawan bui win kan, witin ai iwaika brin kabia ban kaia ra Jerusalem ra.

2 Kronikas 33:7

Baku sin aidul lilka nani Dawan tempelka ra mangkan, baha mita Dawan mita Debit ra bara ai luhpia Salaman ra wisata ba: “Naha Jerusalem tempelka watla bâk saki briri, Israel kiamka nani tila ba wina, yang iwaiki waitla ban kaia ra nini bâra kabia.

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Job 27:22

Pâsa ba krawan kabia umpira kaikan luha ba wal, ban trai kaikbia nahki kat swakwaia.

Lawana Nani 107:39

Bara witin nani pruisa, maura baman takuya sip pâwras priskan lâka ba mita; trabil bara sarka lâka ba mita sin,

Lawana Nani 95:11

Baha mita kupi baiwanka wal swer takri witin nani kumi sin ris yabaisna pliska ra dimbia apia.”

Jirimaya 10:24

Dawan, man kasakkam tânka ba kat yang nani wapniki ai dauks, sakuna man lawankam tara ba ni lika apia, baku lika yang nani sut âpu ai tiki lukma.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 32:34

Witin nani ban wih yang tempelki aihka saki aikan ba sin tâski daukan, witin nani paskan aidulka tâski ba baha bilara bri si swin.

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Isikiel 11:18

Witin nani kli tawi balbia ningkara, ai kuntrika ra diara saura nani dauki ba sut âpu daukbia, diara yamni apia nani witin ra ba sin.

Isikiel 11:21

Sakuna baha nani saurka ra iwi nani ba, bara upla yamni kaikras nani ba, yang mita makabamni ai daukanka saura nani mana aibapaia. Yang, Dawan ba, kasak mai wisni.’ ”

Isikiel 23:28

“Naha yang, Dawan, mai wisni: Man nisan nani ra misbara kaikisma ba karnika mihta ra mai mangkamni, man mita sîa aikaban mai dauki ba.

Isikiel 23:38

Baha purkara, naha nani daukan yang maipara: sim yua ra, tempelki holi ba tâski daukan bara ris briaia yua ba sin kulkras kan.

Isikiel 23:39

Bara sim yua, ai luhpia waitna nani, ai kulkaia wisi aidul ra sakripais daukan, baha yua witin nani tempelki holi ra bal tâski daukan. ¡Baha sika yang waitla pali ba kat tâski daukan ba!

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Isikiel 29:15

King lâka kau bahki kabia sut tilara, bara kli bubia sin apia, nisan wala nani purara. Sirpi pali daukamna tâka mita, nisan wala ra taibia apia.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Isikiel 44:7

Man nani tempelka ba tâski daukisma, yabram upla tringsar nani ba dimisa, upla yang wal lâ daukan tukinka âpu, ai lukanka ra bara ai wîna tara ra sin apia; tâski daukisa sakripais baku aiki batanka bara sakripaiska tâlia bara lâika nani bara pura lui baha daukanka saura wal.

Isikiel 5:7

“Baha mita yang, Dawan, naku wisna: Man nani kau kiamapara takram, nisan wala nani sut purkara, tasba aiska purkara, lâika mai smalkri ba walras katma, bîla ba sin sip alkras katma, ban sin lamara nisan wala nani lâka ba kat sin daukras katma.

Isikiel 7:20

Walpa klauhira prana ba mita sinskas lâka ba banhwan, bara baha wal yamni kaikaia apia aidulka lilka nani paskan kan. Baha mita yang walpa klauhira ba bahki daukamni.

Isikiel 7:4

Umpira kaikan lâka ni mai kaikamna apia, klala maikaisna man daukankam ba dukiara, bara maikrika man saurkam nani tâka, dîa takan nani ba mana aibapma. Bara damra walma yang sika Dawan sna.

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Isikiel 8:15

Ningkara yang ra ai win: “¿Naha kaikisma ki? Kan kau ban diara saura nani kaikma.”

Isikiel 8:16

Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Isikiel 9:5

Ningkara walri upla wala nani ra aisi kan: “Man nani lika witin ninara was tawan aiska ba taukaia, yang tempelki ba wina tâ kriks,

Libait Lâka 15:31

bamna baku Israel luhpia nani, man nani tâski ba wina laihura wama. Diara tâski kulkan ba dauki tâski takma apia, baku sin pruma apia, yang altarki lamara mai kaikisna ba pliska ra.”

Emus 8:7

Dawan ai prana Jekob ra yaban ba ra luki, swer taki aisin: “Man nani warkkam nani baku daukisma ba, yang âiya ban pali tiwbia apia.”

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Malaquía 3:17

Karnika sut bri Dawanka ba aisisa: “Piua kum mangkaia yang ridi takisna, baha yua ra upliki nani ba kli yang upliki nani takbia. Luhpia ai aisa warkka dauki ba ra, aisika kaiki kupia swapni taki ba baku, yang sin witin nani ai dukiara baku kupi swapni takbia.

Roman 11:12

Bamna, Ju nani mina prukanka, swakwanka ba mita tasba aiska na hilp brin kaka, bara witin nani mâyara tawan ba mita Ju apia uplika nani sin hilp brin kaka, ¡Ju nani kli tawi dimbia bara nahki kau hilp bribia lukisma!

Roman 11:21

Bamna Gâd tnawa pali nani ra saurka swih tikras kan kaka, baku man ra sin saurkam swih tikan kabia apia.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Kli Smalkanka 29:20

Dawan baha pâtka ban swi tikaia wilin apia kabia, sakuna witin ai lawanka tara, ai kupia baiwanka baha uplika purara lahtuban kabia, bara witin purara saurka aiska naha wauhkataya ra ulban ba kauhbia. Bara Dawan mita tasba mawan wina, witin kiamka ba diki sâkbia.

Hibru Nani 6:13

Gâd ba Ebraham ra pramis yaban ba ra, witin ai nina mâki swer takras; kan witin purkara wala kau tara kum nina mâki swer takaia âpu kan.