Isikiel 5:10 - DAWAN BÎLA AISKA

¹⁰ Man nani tilamra ai luhpia papira aisika nani bâra sa, bara luhpia nani sin ai papika ra pi nani ba bâra sa. Man mampara lâ ba daukamni, bara dîa takaskbia ba plis bani ra lakamna.

Isikiel 5:10 ပူးပေါင်းရင်းမြစ်များ

2 King Nani 6:29

Bamna luhpi iki pi banhri witin wal. Bara yapra wala, yang wîri luhpiam iks bara piaia, bara witin ai luhpia lika yukukan.

Nihimaya 1:8

Nanara man kupiam krauks, baha bîla nani albikam Moses ra yabram kan ba, man wiram yang nani saurka daukamna kaka, tasba aiska ra yakabi ai swima;

Lawana Nani 44:11

Sîp nani baku, sîp âikra nani mihta ra wan mangkram; idan nani tilara sin wan yakabram.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Jirimaya 19:9

Witin nani ai luhpia waitna bara ai luhpia mairin nani ba piaia daukamna, witin nani ai walka nani sin piaia, baha waihla nani upla âikra nani ba bal tawanka ba kutbi bri kabia ba tâka.’

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Jirimaya 49:32

¡Kiamilka nani, daiwra nani ba brih was! Baha uplika nani ai tâwa irbi klaki ba yabal sât sât ra waia yakaban sa; tnaya bani wina pât bri sal sauhkaia sna. Yang, Dawan, kasak aisisna.

Jirimaya 49:36

Tâ walhwal wina baha uplika nani mapara pâsa bri balaisna, ai yukuwaika pliki kuntri nani sut ani anira waia daukaisna.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Inanka Nani 2:20

Dawan, man kaiks, kainara naha sut dukia upla kumi ra sin daukras kapram ba. ¿Yapti kum ba ai luhpia swap lupia tiala ra bri ba piaia sip sa ki? ¿Prîs nani bara prapit nani ra sin, Dawan watla bîla ba kat ikaia sa ki?

Inanka Nani 4:10

Witin nani lika ai mihta pali ni, mairin nani kupia painkira nani ba, ai luhpia nani ba piakan; ai luhpia nani pali ba witin nani ai pata dauki pin, tawanki tara Jerusalem sauhki tikan ba tâka mita.

Inanka Nani 4:16

Dawan, witin pali mita witin nani na yakaban sa, bara kli sin tawi kaikbia apia; prîs nani ra kulkanka yaras kan, upla almuk nani ra sin umpira kaikras.

Inanka Nani 4:3

Yul wail mairin nani ba sin ai luhpia nani ra ai tialka ba diaia yabisa, sakuna yang upliki nani ra Jerusalem ra kau saura munan, daiwan tnawira yahpa tara kum upla iwras tasbaya ra bâra ba baku sa.

Isikiel 12:14

Bara yakabi lakamna tasba mapa walhwal ra, suldiar nani wan kutbi kir wan kaina kahbi ba sin, war aiklaklabra kwâra tara wala ba baku, bara nina bliki yakabamni mihti ra sord kum wal.

Isikiel 12:15

Bara pat yakabi lakan kabia piua ra, kuntri wala bara nisan wala mita ai dahra walbia, yang sika Dawan sna ba.

Isikiel 17:21

Ai suldiarka nani kau yamni ba war ra prubia, ya kau raya kabia ba pâsa mina walhwal ra yakabia. Baku damra walma yang, Dawan, aisisna ba.

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Isikiel 22:15

nisan nani tilara mai yakabamna, tasba wala nani ra ilihbi mai swimna, bahara tâskikam ba aiska klin mai daukamni.

Isikiel 36:19

bara klala yabamni ai daukanka saura nani ba tâwan bara kuntri wala nani yakabrira daukamna nisan wala nani tilara.

Isikiel 5:12

Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Isikiel 5:2

Tawan ba sauhki lubia ba ra, tâmwa mânka kum ba tawan lila kat angks; ba ningkara skiru kum bris tâmwa mânka wala ba klaki dauki tawan aiska ra yakabi swis, bara wala mânka yumhpa lika pâsa ra lulks. Bara yang lika upla nani ninara tawan ra wamni, mihti ra sord kum brih ki.

Isikiel 6:8

Sakuna yang daukamna man nani kum kum lika baha nani tila wina raya kaia, sakuna mai yakaban kaia nisan nani tilara.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Libait Lâka 26:29

Bara man nani lika luhpiam waitna bara luhpiam mairin nani ba pima.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Sakaraya 2:6

Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks!

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.