Isikiel 47:8 - DAWAN BÎLA AISKA

⁸ Ba ningkara ai win: “Naha laya na lalma tasbaya tani ra aubisa ban Jordan awala kat, bara baha wina Kabu Pruan kat wabia. Bara baha laya ba auya kat kabu laya ba damni takisa.

Isikiel 47:8 ပူးပေါင်းရင်းမြစ်များ

Impakan Sturka 15:25

Moses bui Dawan ra ai pura sunan, bara Dawan mita witin ra dus sirpi nani pâwi ba kum marikan. Bara Moses baha dusa brih bara laya ba ra lulkan, bara laya ba damni takan. Bahara Dawan bui witin nani ai tânka ba trai munan. Witin nani dukiara lâ kum mangki yaban wan ai rayaka ra nahki iwaia lâka ba.

Aiseya 35:1

Upla iwras tasbaya ba, lilia taks, tasba lâwan nani yakan swin kan ba lilia takbia, lapta tasbaya ba sin lilia bribia, tangni baku tangnika baiwbia.

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Aiseya 35:7

Upla iwras tasbaya ba lî madakura nani takbia, tasba lâwan pali ba sin, lî kârma nani man takbia. Yul wail nani watla, yukuwaika ba, yauhrus nani bara snati nani pâwbia.

Aiseya 43:20

Daiwan wail kraskira nani unta ra ba yamni ai kulkbia, suksuk tara tnawira pâlras tara ba luhpia nani ba sin, kan upla iwras tasbaya ba wina lî aubra yâri bal takisa, tasba biarapara wina awala aubisa, yabrika upliki bâk sakri ba lî dakakaia.

Aiseya 49:9

Silak ra mangkan uplika nani ra wiaia: ‘Man nani pri taks’, bara tihmia tara ra bâra nani ra: ‘Swis man nani mai kaikbia.’ Yabal nani sut tnaya ra man nani twi sâkma, ani ani ilka ra diara pâwras ba ra daiwram nani pata bâra brima.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 13:15

Kan naha uplika nani lukanka na warwan sa, ai kiama ba praki brisa, bara ai nakra nani sin prakan sa, baku lika kaikbia apia bara walbia sin apia, bara sin tânka bribia apia, baku sin yang ra tawi balbiara bara yang sin rakamna apia.’

Jan 5:4

Kan insal kumi ai piua kat baha lî madakura ra bal iwi munan aiawi kan, bara ani uplika pas lî aiawanka ba ningkara dimuya kaka, dîa dîa sât sikniska bri kan ba sut wina rawi kan.]

Kli Smalkanka 3:17

Baha tasbaya bilara, Arabá sin witin nani ra yabri, Jordan awala tasbaya piarkika baha wina, lalma tani ra Arabá kabuka kat, baha sika Kabu Pruan ba. Kli baha wina lalma tani ra, Pisgá ilka witnika ba kat.

Kli Smalkanka 4:49

bara Arabá aiska, Jordan lalma ra, Kabu Pruan kat Pisgá ilka mununhta kat.