Isikiel 46:7 - DAWAN BÎLA AISKA

⁷ Bîp wainhka sirpi kumi prisantka yabaia ba plun mâ batil yawanaiska kum brih balbia, bara baku natka ra sin sîp wainhka ba dukiara daukbia, bara sîp luhpia nani ba dukiara witin dîa yabaia want ba kat yabia. Bara plun mâ batil yawanaiska bani ba, baha purara batana laya batil yumhpa pura bakriki sin brih balbia.

Isikiel 46:7 ပူးပေါင်းရင်းမြစ်များ

Isikiel 45:24

Bîp wainhka bani bara sîp kumi bani ba ra pura prakan kabia Dawan ra yaia prisantka sât sât ba batil yawanaiska kum, bara batana batil yumhpa pura bakriki.

Isikiel 46:11

Lilia sât sât daukaia yua nani ra plun mâ batil yawanaiska kum yabaia ba bîp wainhka lupia kumi bani prisantka, bara kli sîp lupia kumi bani yabaia plun mâ prisantka nani brih balaia ba witin sip ba baku; prisantka kumi bani ba daukaia plun mâ batil yawanaiska kum, bara batana laya sin batil yumhpa pura bakriki brih balbia.

Isikiel 46:5

Sîp wainhka kumi prisant yabaia ba plun mâ sin batil yawanaiska kum brih balbia bara sîp lupia nani prisant yabaia ba sin baha yabuya uplika ba witin luki kaikbia dîa wala sin brih balaia sip ba. Plun mâ batil yawanaiska kum brih aula bara batana laya sin batil yumhpa pura bakriki brih balbia.

Libait Lâka 14:21

“Ban kra uplika siknis ba hilpkas sa kaka, diara ailal yaia âpu sa kaka, sîp kum bri balbia, prisant kum sakripaiska baku kulkan kabia, baku saurka pâtka ba swin tikan kabia. Baha purara plawar kau pain ba paun wâl oliv batana ra akbia, dus mâ prisantka nani ba bara oliv batana sin batil kum bri balbia.

Kulki Kaikanka 28:11

“Kati bani, baha yua pas ba daiwan aiska angki Dawan ra yabi kaia, baha lika bîp lupia wâl, sîp wainhka kumi, baha sîp lupia ba mani kumi alkan kaia, taya sauhkan âpu ba.

Kli Smalkanka 16:17

Ban sakuna, kumi bani prisantkam nani Dawan Gâdkam yamni mai munan ba wina brih wama.