Isikiel 46:12 - DAWAN BÎLA AISKA

¹² “Tâ bri ba prisantka kum ai kupia lâka Dawan ra yabia kaka, ban kra daiwan kum angkuya ba, apia kaka sakripais wal kli wan uplika takaia dukiara, lalma durka ba kwâkbia bara ai sakripaiska yabia, sim ris yua nani ra yabi ba baku. Aima kum taki wan ba ra, dur ba prakan kabia.

Isikiel 46:12 ပူးပေါင်းရင်းမြစ်များ

1 King Nani 3:4

Ba purkara witin sin Gabaón ra wi kan sakripais daukaia, pliska ba tânka tara kulki kan ba mita, plis wala nani wal kau purara; bahara aiska angkan sakripaiska nani 1,000 dauki kan.

1 Kronikas 29:21

Yua wala Dawan ra aiska angki kîa yamni nani yan, bîp wainhka 1,000, sîp wainhka 1,000, sîp lupia 1,000, bamna Israel luhpia nani sut diara bri ba wina yan, bara wain sin naha nani wina mana luha yan ai Dawanka ra.

2 Kronikas 29:31

Ningkara Ezequías bui upla nani ra win: “Man nani pat holi takram Dawan ra, bara nanara lamara bal, sakripais prisantka nani bri bal, Dawan tempelka ra tingki wiaia dukiara.” Bara upla nani ai prisant ba brih wan Dawan ra tingki wiaia, baku ya sakripais daukaia lukan ba baku daukan.

2 Kronikas 5:6

King Salaman bara Israel luhpia nani sut witin wal asla takan kan ba, witin nani Gâd lâka auhbaia watla ba tâura banhwi kan, bara sîp nani bara bîp wainhka nani ailal pali iki sakripais daukan, upla ailal pali daukan sip kulki sakras.

Esdras 1:4

Bara ya nani kau bâra nani ba tila wina, ai tasbaya swi si mahka plis wala ra auya kaka, ai lamara iwi uplika nani ba mita witin ra tâ baikbia sa silbar, gul, diara wala kukanka nani bara daiwan nani sin yabia. Baha purkara, Gâd watla Jerusalem ra ba prisantka sin.”

Esdras 3:5

baku sin yu bani sakripaiska angki dauki kan ba, baku sin kati raya sakripaiska nani Dawan ra mayunaia liliaka holi nani ba, upla sut ai kupia lâka kat Dawan ra prisantka nani yabi kan.

Esdras 6:17

Baha yua witin nani bîp wainhka nani 100 kum, sîp wainhka nani 200, sîp mairin nani 400 bara guts wainhka nani 12, Israel kiamka nani 12 ba kulkanka ba kat, witin nani saurka ba sakripaiska dukiara ikan, baku sin Israel kiamka nani sut ba saurka dukiara sin guts nani ba ikan.

Isikiel 44:1

Waitnika kli ai brih wan tempel ra dimaika lata tani ra, bara baha lalma dimaika ba, baha ba prakan kan.

Isikiel 44:3

Dawan mawanra kahban pata ba, wihta tara ba baman bahara dimi iwi piaia sip sa. Get bâk dimi hal bâk dimbia, bara kli bahak bal takbia.”

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Isikiel 46:8

“Wihta tara ba bahara dimbia, get bâk dimi hal bâk wabia bara kli bahak bal takbia

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 23:38

Baha purkara ris yua nani Dawan ra pain kulkaia ba, prisantkam nani ba, bara Dawan wal pramis takaia man nani brinkam wina daukaia ba sut daukaia sma.

Libait Lâka 7:16

Sakripais wala, upla kum witin daiwan kum bri balan diara kum daukaia dukiara, Dawan wal aisi pramis takaia, witin aisin ba ai bîla kat daukaia dukiara, baha sika sakripais kum witin ai kupia brinka wina daukaia aula ba. Bara baha daiwra wîna ba sin, baha yua ba sut piaia, ban sakuna wîna ba ban pura luan kaka, baha lika ban sip sa tâka ba yauhka kat piaia.

Kulki Kaikanka 29:39

“Daiwan aiska angki Dawan ra yabaia ba, baha purkara kupia aiska diara yaia lâ daukan, baha daiwan aiska angki kaia ba, barli mâ nani bara wain sin; apia kaka wal kli uplika taki lâka nani daukaia, naha lâka nani sika Dawan daukan ba, upla nani ba baku daukbia.”

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.