Isikiel 45:8 - DAWAN BÎLA AISKA

⁸ Naha tasbaya Israel gabamintka tâ bri ba dukia kabia; baku gabamint tâ brabrira nani ba kli upliki nani ra taiban lâka ra bribia apia, kuna swibia Israel luhpia nani tasbaya kiamka bani ra.

Isikiel 45:8 ပူးပေါင်းရင်းမြစ်များ

Sins Lâka 28:16

Wihta tara sinskas tânka sip luki briras ba, upla rausauhki taibaia lâka ba tara sakisa; sakuna gridi lâka âpu ba ai rayaka yua yari bribia.

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Isikiel 19:3

Kum pali ba bâk saki pakan, tara pali daukan ba kat. Dîa alkuya ba bisbi daukaia tânka brin, bara upla nani ra pi kan.

Isikiel 19:7

King watla nani ra diara sauhki kan, tawan nani ra sin sauhki kan; witin ihbi ba mita, tasba aiska ba tatatwi kan.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Isikiel 22:6

Bahara sa Israel tâ brabrira nani ba, man tilamra iwi ba, bara nahki ikaia lâka sip ba kat dauki ba.

Isikiel 46:18

Tâ bri ba upla kumi dukia dakbaia apia sa. Dîa ai luhpia ai dukia baku yabuya ba, ai dukia ba wina yabaia sa; baku upla kum sin diara luha kabia apia, yakabrira sin takbia apia.”

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?

Jasua 11:23

Baku bamna, Jasua tasba ba pura luan, dîa Dawan bui Moses ra win ba kat. Ningkara Israel kiamka nani tilara tasba ba pîs ra baiki yan, ai tasbaya prapatika baku. Baha ningkara kupia kumi lâka bâra kan, baha tasbaya ra war âpu kan.

Jasua 19:49

Israel kiamka nani bui kiamka kumi bani briaia kan tasbaya ba yui tnata alkan ningkara, Jasua ra sin ai tasbaya pîska yan, wala nani ra yan kan ba baku.