Isikiel 45:4 - DAWAN BÎLA AISKA

⁴ Baha tasbaya pîska ba prîs nani ra yan kabia, Dawan tempelka ra wark taki ba nani ra, witin nani lamara bal warkka ba daukaia. Bahara witin nani ai watla paskaia pliska bri kabia. Bâk sakan pliska kum kabia tempel lamara.

Isikiel 45:4 ပူးပေါင်းရင်းမြစ်များ

Isikiel 40:45

Bara ai bri tauki waitnika ba ai win: “Baha rumka waupasa tani ra kaikisma ba, prîs nani ba bâra dimaia, baha nani tempel ra wark dauki ba,

Isikiel 40:46

baha rumka wala yahbra tani ra kaikisma bara sin prîs nani altar ra wark dauki nani ba dimaia. Sadoc kiamka nani ba baman prîs warkka dauki kabia sa, witin baman sip sa Dawan lamara waia.”

Isikiel 43:19

Libait wina prîs nani Sadoc kiamka, baha nani kabia laimara balaia duki daukaia, sîp lupia kum yabamna sakripais daukbia saurka nani ba tâwan. Yang, Dawan, baku adar yabisna.

Isikiel 44:28

“Yang baman kamna, ai kukanka baku briaia prîs nani ba. Israel ra kukanka yaban kabia apia. Yang sika witin ai dukia kukanka sna bamna.

Isikiel 45:1

“Tasba ba yui kiamka kumi bani ra yabaia daukbia ba ra, tasba pîska kum bâk sakaia kabia 10 mail yarika bara 8 mail bîla yahpika, baha ba Dawan dukiara bâk sakan kabia. Baha tasbaya sakuya ba holi kulkan kabia.

Isikiel 45:3

Dawan dukiara bâk sakan tasbaya bakriki ba, 10 mail bara 4 mail, baha ba kau Dawan lahma kabia; bahara sin tempel ba bâra kabia.

Isikiel 48:8

“Baha ningkara mahka pali balbia tasba briaia ba kulki kaikbia, lalma wina muna kat. Tasbaya bîla yahpika ba 12 kilumita pura hap bri kabia, bara yarika ba lika tasba wala nani lalma wina muna kat yarika kulkan baku kulkbia. Baha lilapas ra tempel ba bâra kabia.

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.