baku sin pura wina mâya kat utla ba bilara lika yalam dusa ni lalauban kata. Baha yarika ba lika 30 pît bri kan. Baha tempel bilara plis kum bâra kan holi pali pliska.
Baha tasbaya pîska ba prîs nani ra yan kabia, Dawan tempelka ra wark taki ba nani ra, witin nani lamara bal warkka ba daukaia. Bahara witin nani ai watla paskaia pliska bri kabia. Bâk sakan pliska kum kabia tempel lamara.
Naha tasbaya bâk sakan ba bâra kabia prîs nani tasbaya baman; yahbra bara waupasa tani ra yahpika kabia ba 12 kilumita pura hap, bara lalma bara muna tani ra 5 kilumita. Lila pali ra Dawan tempelka ba bâra kabia.
“Baha ningkara mahka pali balbia tasba briaia ba kulki kaikbia, lalma wina muna kat. Tasbaya bîla yahpika ba 12 kilumita pura hap bri kabia, bara yarika ba lika tasba wala nani lalma wina muna kat yarika kulkan baku kulkbia. Baha lilapas ra tempel ba bâra kabia.