Isikiel 45:19 - DAWAN BÎLA AISKA

¹⁹ Prîs ba daiwan tâlia ba wirâ bri saurka swi tikaia sakripaiska ba wina bri, bara tempel dimaia durka playa ra yûkbia, altar tani playa walhwal ba ra, baha kutbanka painkira bilara ba.

Isikiel 45:19 ပူးပေါင်းရင်းမြစ်များ

Isikiel 43:14

ditska paknika ba wina un ba kat 4 pît bri kan, wîna tara ba mâyara ba 20 ins bakriki kan. Wîna tara lila tani ba 7 pît bri kan yarika ra, bara 20 ins pura lui kata.

Isikiel 43:17

Lila tani ba sin skwir kata, 24 pît bri kan tani bani ba, ditska kir ba 10 ins kan yahpika, yarika ba 20 ins. Mina mangki ba lalma tani ra kata.

Isikiel 43:19

Libait wina prîs nani Sadoc kiamka, baha nani kabia laimara balaia duki daukaia, sîp lupia kum yabamna sakripais daukbia saurka nani ba tâwan. Yang, Dawan, baku adar yabisna.

Isikiel 43:20

Ningkara tâlia ba wiria brima bara aringka walhwal ba ra srikma wina utla klukia walhwal nani ba bara un buki bapan nani ba sut. Baku aiska pali klin sâkma saurka ba wina.

Isikiel 46:1

“Yang Dawan sna ba, aisisni: Kutbanka painkira latka bîla lalma tani ra durka ba prakan kaia sa, yua matlalkahbi wark taki ra; bara ris yua ra bara kati raya yua ra.

Isikiel 46:2

Wihta tara ba lata tani ra dimi takaskaia pliska wina kutbanka painkira latara ba kat dimbia, bara utla playa ba kat takaskbia. Baha ningkara prîs nani ba sakripais daiwra ba angkbia, bara sakripais daukbia wal kupia kumi takaia ba dukiara wihta ba daukbia, baku witin ai mawanra bawbia dur bînka lama ba kat, ai mawan tasba kat kangbi, baha ningkara taki wabia. Dur ba prakan kabia apia tutni iwbia kat.

Libait Lâka 16:16

Baku natka ra baman, holi pliska ba klin daukan kabia, Dawan mapara buan saurka ba wina, Israel saurka daukan ba wina sin, holi pliska ra dimaika ba wina, witin nani saura daukan tâskika ai tilara bâra ba wina sin.