Isikiel 45:18 - DAWAN BÎLA AISKA

¹⁸ “Yang Dawan sna ba, aisisni: Pas yua kati pas ra man nani sakripais daukma bîp wainhka lupia kum wîna watawan âpu ba, tempel klin daukaia ba dukiara.

Isikiel 45:18 ပူးပေါင်းရင်းမြစ်များ

Impakan Sturka 12:2

“Naha katka na man nani tara kulki kaia sma, mani tâ katka ba.

Impakan Sturka 40:2

“Kati pas yua pas aimakan ra, tint watla, Dawan wal aisaia tintka watla mâkan ba, yus munaia pura sunbia.

Isikiel 43:19

Libait wina prîs nani Sadoc kiamka, baha nani kabia laimara balaia duki daukaia, sîp lupia kum yabamna sakripais daukbia saurka nani ba tâwan. Yang, Dawan, baku adar yabisna.

Isikiel 43:20

Ningkara tâlia ba wiria brima bara aringka walhwal ba ra srikma wina utla klukia walhwal nani ba bara un buki bapan nani ba sut. Baku aiska pali klin sâkma saurka ba wina.

Isikiel 43:22

Yua yapra wala sakripais daukbia, saurka daukan ba mana yaia, guts lupia kum aiska sunu ba, bara prîs nani baha klin daukbia altar ba ra, sîp lupia nani klin daukata ba baku.

Isikiel 43:23

Baha klin daukaia lâka ba sut daukma ba ra, bîp wainhka lupia kum bara sîp wainhka lupia kum brima, wâlsut watawan âpu, sunu kaia,

Isikiel 43:26

Yu nani, yu 7, prîs nani ba klin daukaia sa altar ba, diara Dawan ra yaia ba dukiara.

Isikiel 45:20

Baku sin kati bani yua 7 ra daukma ya ya ai kupia lâka, apia kaka ai dara walras saurka daukbia kaka baha dukiara. Baku dauki tempel ra ai wîna klin daukbia.

Isikiel 46:1

“Yang Dawan sna ba, aisisni: Kutbanka painkira latka bîla lalma tani ra durka ba prakan kaia sa, yua matlalkahbi wark taki ra; bara ris yua ra bara kati raya yua ra.

Libait Lâka 16:16

Baku natka ra baman, holi pliska ba klin daukan kabia, Dawan mapara buan saurka ba wina, Israel saurka daukan ba wina sin, holi pliska ra dimaika ba wina, witin nani saura daukan tâskika ai tilara bâra ba wina sin.

Libait Lâka 16:33

Bara sunu daukaia warkka ba, holi pali pliska ra daukbia, Dawan wal aisaia tintka watla ra altar ba ra. Baku prîs nani ba, upla wala nani sut saurka ban swih tikaia sakripaiska daukbia.

Libait Lâka 22:20

sakuna daiwan kum skahwa lika apia, baku kaka bribia apia.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

1 Pita 1:19

man nani ba Kraist tâlia manakira ni pri mai sakan, witinka sîp ai taya ra watawan âpu bara tâski sin âpu baku kan ba.