Isikiel 45:15 - DAWAN BÎLA AISKA

¹⁵ Sîp nani 200 ba wina kumi yama Israel twiya kau pain ba wina. Baha sika man plun sâtka bri bal Dawan lahma yaia ba, aiska angkan sakripaiska ba bara kli wal uplika takaia ba, baha lika saurka swi tikaia ba dukiara. Yang, Dawan ba, adar yabisni.

Isikiel 45:15 ပူးပေါင်းရင်းမြစ်များ

Isikiel 45:14

Batana laya brima ba sin baku dauks, mânka 100 dauks, bara baha wina mânka kumi ba brih prisantkam yabi bas.

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Isikiel 45:20

Baku sin kati bani yua 7 ra daukma ya ya ai kupia lâka, apia kaka ai dara walras saurka daukbia kaka baha dukiara. Baku dauki tempel ra ai wîna klin daukbia.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Libait Lâka 1:4

witin ai mihta ba, daiwan lal purara kahbia. Baku daukbia ba ra, Dawan baha prisantka ba yamni kulki bribia, ai saurka nani ban swih tikan kabia.

Libait Lâka 6:30

Sakuna upla saura daukan mana prisantka yabi sakripaiska daukaia daiwra nani bri balan ba tâlia tint watla bilara, Dawan wal aisi ba pliska ra bri balan ba, saurka nani ban swih tikaia tâski âpu kulkan watla ra dingkan ba, baha daiwra wîna ba upla kumi sin piaia apia sa. Baha sakripaiska ba pauta ra angkan kabia.

Malaquía 1:14

¡Saura pali kabia baha uplika ra ai daiwra daknika wina daiwan sunu kum, sakripais dauki aikaia wisi, watlika ra daiwan skahwa kum aiki ba! Yang sika King Tara, nisan nani sut yang ra sibrin lukisa.” Karnika sut bri Dawanka ba naha aisisa.

Malaquía 1:8

man nani sin lukisma diara saura apia sa daiwan nakra baiwan nani, skahwa nani, sikniskira nani ba yang ra aikaia.” ¡Bahmuna daiwra nani ba tasba wihtka nani ra bri si prisantka yas, witin nani liliakira brih tingki mai wibia sapa!

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Epesus 2:16

Naha natka ra, Kraist dus prihni ra pruan ba mita, baha upla daknika wâl pana pana aiklabanka bri kan ba, Kraist mita sut tiki, Gâd wal kupia kumi daukan, bara wîna tara kumi ra witin nani sut asla kumi daukan.

Kolosi 1:21

Kaina piua ra man nani ba upla tringsar nani kapram bara Gâd wal wailhka kupiam nani ra, diara saura nani dauki kapram ba mita.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.