Isikiel 44:29 - DAWAN BÎLA AISKA

²⁹ Sip kabia barli piaia Israel wina aiki nani ba, bara daiwan sakripais saurka lâka dukiara aiki nani ba, bara pâtkira ba tâwan aiki ba. Baku sin, dîa dîa Israel luhpia nani yang dukira bâk saki ba witin nani dukia sa.

Isikiel 44:29 ပူးပေါင်းရင်းမြစ်များ

Isikiel 46:20

ai win: “Nahara sika prîs nani piakaia kabia, wîna sakripais daukuya ba saurka lâka tâwan, bara piakbia ba barli prisantka yabuya ba. Baku sâkbia apia kutbanka painkira latara ba ra, baku sin tawan uplika nani ba dimbia apia, bâk sakan ba pliska ra.”

Libait Lâka 2:10

Bara plun dîa kau angkras swin ba, baha pat Dawan dukia sakan kan bamna, baha lika Eran ra yabia, ai kiamka nani ra sin.

Libait Lâka 2:3

Bara plun prisantka yaban tâka kau swin ba, baha sika pat aihka saki Dawan ra yabaia sunu daukan prisantka sa. Bamna baha pat Dawan ra yaia kulkan ba lika, prîs Eran bara ai kiamka nani ra yabia.

Libait Lâka 27:21

Baha wina 50 mani alkbia ba ra, tasbaya ba Dawan dukia yabia, bara prîs ba baha bri kaiki kabia.

Libait Lâka 27:28

“Upla nani diara bri ba Dawan ra yabi lâ kat dauki sunu kulkan ba, upla ai taya nani, ai daiwra, ai luhpia nani, ai taya nani tasbaya sapa, pat Dawan ra yan ba, baha kli sip sa atki bribia apia, diara sut Dawan mihta ra swin ba, sunukira pali kulkan sa, baha Dawan dukia.

Libait Lâka 6:26

Baha prîska baha sakripaiska daukan ba, daiwra wîna ba, witin piaia sip sa, sakuna tint watla latka ra sunu pliska kum ra iwi pibia.

Libait Lâka 6:29

“Baha sakripaiska ba diara kum tâski âpu pali kulkan sa. Bamna prîs nani ba baman baha wina piaia sip sa.

Libait Lâka 7:6

Bara prîs nani sut ba baha ba piaia sip sa, sakuna plis holikira kum ra daukaia sa, kan baha ba diara holikira pali kum sa bamna.

Kulki Kaikanka 18:14

Israel luhpia nani ai prisantka nani aiki bani ba sunu saki, baha lika man dukiam kabia.

Hibru Nani 13:10

Patitara Dawan wal aisaia watla ra prîs nani kan ba lâ âpu sa yawan wan altarka sakripais dauki ba wina pi banhwaia.

Jasua 13:14

Moses mita Libai kiamka ra tasba yaras, kan naha dukiara Dawan ra ai prisantka angkaia kulki ba lâka kat, Israel Gâdka witin mita wisata ba baku.