Isikiel 44:24 - DAWAN BÎLA AISKA

²⁴ Aiklabanka tilara, witin nani wihta baku kaia sa, bara lâ daukbia yang lâika ba kat. Lâika nani ba kat daukbia bara smalkbia lilia daukaia yua nani ra, bara kulkan kaia yua nani holikira baku riski yua nani ba.

Isikiel 44:24 ပူးပေါင်းရင်းမြစ်များ

1 Kronikas 23:4

Naha nani wina 24,000 ba lika tempel mâkaia warkka nani ba tâ briaia mangkan, 6,000 ba lika wark tâura mangkan tâ wihta nani kaia,

Esdras 2:63

Baha purkara, wihta tara ba bui adar lakan plun nani pat sunu daukan ba pibia apia, ani yua prîs kum mita witin nani ba tânka pliki kaikbia ba kat, Urim bara Tumim ba bâk.

Lawana Nani 119:34

Diara tânka briaia ba aik, bara man lâmka ba alki bri kamni, ¡bara kupi aiska ni daukamni!

Isikiel 20:12

Sabatki yua nani ba sin marikri, baha ba tukin kum kaia witin nani, bara yang wal maipara, bara kupia kraukanka kum yang, Dawan, yang duki baman bâk sakri kan ba.

Isikiel 20:20

bara kulki bribia kasak baku riski yua nani ba, baku tukin kum kaia, man nani bara yang wal. Baku damra walma yang sika Dawan Gâdkam sna ba.

Isikiel 22:26

Naha tawanka ra prîs nani ba, yang smalkanki ba warbi lakisa, bara yang diara holikira kulkisna nani ba tâski daukisa; sip aihka sakras sa diara holikira ba bara diara tâski ba wal, upla wala ra sin smalkras tânka briaia dîa sunu ba, bara diara sunu apia ba. Riski yua nani sakri ba kulkras, kulkanka sin aikras.

Isikiel 46:9

Bara yua tara nani ra, tawan ba Dawan ra mayunaia dimbia ba ra, naku daukaia kabia: ya yahbra durkak dimuya nani ba, waupasa durkak takbia, bara ya waupasa durkak dimbia ba, yahbra durkak takbia. Sim durka dimuya bâk tawbiara, kuna ai mawanra bâk takaia.

Kli Smalkanka 19:17

bara unsabanka uplika wâlsut Dawan lamara kaiki ba ra brih balbia, bara prîs nani, wihta nani baha yua ra wark dauki kabia mawanra sin.

Kli Smalkanka 21:5

“Baha ningkara prîs Libait nani, Dawan mita sakripais daukaia warkka yaban ba, baha wih Dawan nina ra yamni munbia. Unsabi blahwanka nani sut ba witin nani wapni daukbia.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.