Isikiel 44:12 - DAWAN BÎLA AISKA

¹² Witin nani Israel luhpia nani dukia dauki kata aidul ra mayunra daukaia, bara baku yan saura daukaia. Bahamna, ai saurka mana aibapbia. Yang, Dawan, kasak aisisna.

Isikiel 44:12 ပူးပေါင်းရင်းမြစ်များ

Lawana Nani 106:26

Bamna witin ai mihta buki bara swer takan, upla iwras tasbaya ra yaka prui tiwbia.

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Isikiel 20:15

‘Baku sin upla iwras tasbaya ra pramis takri, yang bui witin nani tasbaya wisi sakri ba ra brih waia apia, sut kau prana ba, bahara nasma bara tiala laya wal lî baku plapi ba;

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 20:6

Baha yua yang pramis takri Idsip wina sakaia bara brih waia kuntri kum yang pali sakri kan ra, baha pliska ra nasma bara tiala laya lî baku plapi ra, ¡kuntri kau pranakira sut wal!

Isikiel 44:10

Libait nani, yang wina laihura taki wan ba, Israel yabal wala ra taki wan bara ai lulki ai swin aidul ra mayunaia dukiara, aibapaia kabia ai saurka tâwan.

Isikiel 44:13

Sip yang duki daukras kabia prîs baku, Dawan lahma aihka sakri ba lamara sin wabiara, Dawan lahma aihka sakri ba. Ai swira lâka twilkaia kabia diara saurakira nani daukan ba tâwan.

Isikiel 48:11

Baha Sadoc kiamka nani prîs nani Dawan lamara takaskan nani ba tasbaya. Dawan warkka ba witin nani baman dauki kan, Israel luhpia nani Libait nani Dawan yabalka swin ba nani blikras.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Emus 8:7

Dawan ai prana Jekob ra yaban ba ra luki, swer taki aisin: “Man nani warkkam nani baku daukisma ba, yang âiya ban pali tiwbia apia.”