Isikiel 40:7 - DAWAN BÎLA AISKA

⁷ Dimaika ba tnaya bani ra aihwawakra watla bâra kan. Watla kumi bani bîla ba yarika ba 10 pît tani bani bri kan, bara tnaya kutbanka twaknika ba bilka ra 8 pît bri kan. Aihwawakra nani watla ba wina kau kainara wapi luaika wala bâra kan yarika ba 10 pît bri kan, baha sika tempel ra dimaia getka ba.

Isikiel 40:7 ပူးပေါင်းရင်းမြစ်များ

1 Kronikas 23:28

bara Dawan tempelka ra wark nani daukaia duki nani ba, prîs nani Eran kiamka nani ba mihta ra mangki swin kata; utla kutbanka nani ba, utla rum bilara kutbanka ba bara diara nani sut sunukira bâra kan ba, wark wala nani bâra ba sut sin, baha nani mihta ra mangkan.

1 Kronikas 9:26

Sakuna dur nani aihwaki ba lalka walhwal ba lika Libait nani kan, witin nani lika piua bani ban aihwaki kan dur nani tâ walhwal ra, bara Dawan lalahka watla nani ba sin.

2 Kronikas 3:9

Bara sabaia sialaka kumi ba gul 20 auns ni paskan, bara pura rumka ba sin gul ni lalauban.

2 Kronikas 31:11

Bara baha tâka, Ezequías upla nani ra win plun apahkaia watla kum tempel lamara mâkaia. Baha mâkan ba ra,

Esdras 8:29

Bamna nanara aihwaki kaiki bas, Jerusalem ra wama yua naha dukia nani na bri si, prîs nani, Libait nani, Israel uplika bara utla lalka nani mawanra kaiki kaka, paun ra mangki bara tempel bilara bri si swima.”

Jirimaya 35:4

bara witin nani ba tempel ra brih wari, Hanán Igdalías luhpia waitna nani kutbanka ra, witin ba Gâd waitnika kum kan. Baha kutbanka ba, tempel wihtka wala nani dimi ba lamara kan, Maaseías, Salum luhpia waitna takaski kan ba kutbanka ba purara, witin ba tempel ra dimaia durka ba aihwaki kan.

Isikiel 40:10

(Baha getka bilara lata tani ra wapi luaika tnaya bani ra watla yumhpa bâra kan ba sut yahpika kumi kan, bara getka ra playa tara tani bani ra ba sât ba yahpika kumi kan.)

Isikiel 40:21

Getka ba bilara tnaya bani ra aihwawakra nani rumka yumhpa bâra kan, playa tara skwir nani ba sin bâra kan wapi luaia hal ba sin, baha rumka nani ra dimaia bîla yahpika yarika ba sut, yahpika ba lalma getka yahpika ba baku kan; dimaika kumi bani ba 84 pît yarika, bîla yahpika ba 42 pît bri kan.

Isikiel 40:29

Aihwawakra rumka nani ba, halka ba, baha kutbanka ra playa tara skwir nani ba sut yahpika ba kumi kan. Baha watla ra dimaia ra, bîla paramka ba ra sin, baha rumka nani kir ba sin windar nani bri kan, baha watla kulkanka yarika aiska ba 84 pît bri kan, bîla yarika ba sin 42 pît.

Isikiel 40:33

Rumka nani ba, playka skwir nani ba, bîla paramka nani sut ba, yahpika yarika nani ba kulkanka ba kumi baku kan. Baha watla bilara dimaia ba bîla paramka ba windar nani bâra kan tnaya bani ra. Tâ kum wina tâ wala kat 84 pît bri kan, bîla yahpika ba sin 42 pît.

Isikiel 40:36

bahara bîla paramka nani bâra kan, playa tara skwir nani ba, wapi luaika bîla paramka ba bara windarka nani sin tnaya bani ra watla ra dimaika ba. Tâ kum wina tâ wala kat yarika ba 84 pît bri kan, bîla yahpika ba sin 42 pît.

Isikiel 40:8

Baha hal bîla ba sin kulki kaikan bara 14 pît bri kan. Baha getka ba wina tempel ra dimaia lama pali ba kat utla tnaya ra praki paskan playa tara tani bani bri, baha twaknika 4 pît bri kan.

Isikiel 42:5

Baha rumka nani kau purara bâra ba bîla yahpika ba kau sirpi kan; bîla plurka ba, bara mâya plurka ba wal sin. Baha plurka nani ba lilara playa tara nani âpu kan ba mita,