Isikiel 39:18 - DAWAN BÎLA AISKA

¹⁸ suldiar nani wîna pibia bara tasba tâ brabrira nani tâlia dibia, sim sîp wainhka, sîp luhpia, guts, apia kaka Basán bîpka lupia batana wîna baku.

Isikiel 39:18 ပူးပေါင်းရင်းမြစ်များ

Lawana Nani 22:12

Bîp wainhka ailal, Basán wina tnaya kir sa; waihli nani bîpka wainhka prautkira nani ai prihban sa;

Lawana Nani 68:30

Idsip ba lawi dauks, baha snati pliska daiwra yahpa ba, bîp wainhka prautkira daknika ba bara bîp lupia nani daknika ba, lalahkira takaia wisi tawan nani ra mâyara kulki ba; war lalihkra uplika nani ba ra yakabrira daukisa.

Aiseya 34:6

Dawan sordka ba, tala bara batanka nani ni aibanhbia, sîp bara guts wainhka nani sakripais daukaia ikan baku; Dawan Bosrá ra sakripais nani daukaia brisa, bara upla ailal ikbia Edom tasbaya ra.

Aiseya 34:7

Witin nani bîp wail nani ikan baku kabia, bîp wainhka tara nani bara bîp wainhka sirpi nani pruan baku; bara witin nani ai tasbaya ba tala man buswan kabia, bara tasba yuyaka ba bîp batanka man takbia.

Jirimaya 46:5

“Sakuna, ¿kaikisna ba dîa? Sirang tara iwi kli ai ninara tawi auya ba, aiklaklabrika nani ba pura luan yakabrira takan; taki plapi banhwisa, ai ninara tawi kaikras. ¡Tnaya kir sibrin tara bâra sa! Yang, Dawan, kasak aisisna.

Jirimaya 50:11

“Caldea uplika nani, man nani bal yang upliki nani diara bri kan ba sut briram ba, ¡bara liliam dauks, pi, di, dimi! ¡Bîp mairin twi kura ra pih srutwi baku srutwi banhs! ¡Aras nani srutwi ihbi baku dauks!

Jirimaya 50:27

¡Suldiar nani ba sut iki tiks, sut ikaia watla ra blîks! ¡Saura pali witin nani ra! ¡Witin nani yua ba balan, klala aiklabaia yua ba!

Jirimaya 51:40

Baha ningkara witin nani ikaia pliska ra brih wamna, sîp lupia, nani guts nani, sîp nani iki baku.”

Isikiel 29:5

Upla iwras tasbaya ra mai lulkamna, awalkam inskika sut aikuki; plis langni ra kauhi banhma, bara upla kum sin mai wahbia apia mai bikaia dukiara. Yabrika mai pibia daiwan wail kraskira nani, kasbrika pura ba wina piawira nani ba sin.

Isikiel 34:17

“Yang Dawan sna ba, naku wisni: Walram, sîpki nani: Kasakka lâka daukamna sîp wainhka bara guts wainhka lupia nani tilara.

Isikiel 34:8

Yang, Dawan ba, rayaki wal swer takisni: Daiwan wail sât sât nani ba implikan bara sîpki nani ra pin, kan sepad âpu bamna. Sepadki nani ba sîp nani ba plikaia waras. Sepad nani ba klauna ai mainka kaikisa, kuna sîpki nani lika apia.

Isikiel 39:19

Baha sakripaiska witin nani dukiara daukuna ba wina, batanka pibia siknis takaia kat bara tâlia dibia bla takaia kat.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.

Param Marikanka 19:21

Wala nani ba lika aras purara uli ba bîla wina sord taki kan ba ni ikan kata; bara tnawira nani ba sut baha nani wîna pih ai biara banhki takan.