Isikiel 38:8 - DAWAN BÎLA AISKA

⁸ Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.

Isikiel 38:8 ပူးပေါင်းရင်းမြစ်များ

Blasi Sturka 49:1

Witin ai luhpia waitna nani ba sut paiwan bara witin nani ra win: “Man nani kau laimara bal bara naika man nani ra diara takaia ba mai wimna:

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Aiseya 24:22

Witin nani ba tasba mununhta sialaka watla ra silak ra mangkan kabia, silak ra mangki nani ba durka praki swin kabia, bara yu ailal lubia ba ningkara klala yan kabia.

Aiseya 8:9

Nisan nani, aidrubi asla taks, man nani tamyahkan sa; wals, man nani tasba wala wina nani sma ba sut: âu, man nani kau ridi taki balma sakuna, sirang mai ikan kabia.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 30:3

yua nani ba aula bamna baha yua ra upliki nani Israel Juda wal ba iwanka ba kli tawi wala ra lakamni. Yang, Dawan, kasak aisisna. Yang daukamna witin nani ai damika nani ra ai tasbaya prapati baku yabri ba ra kli tawi waia.”

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 32:5

Nabucodonosor mita Sedequías ba alki Babilon ra brih wabia, witin bâra kabia, yang mita kli witin ra wark yabamna ba kat. Ban kra man nani Caldea uplika nani mapara aiklama, sakuna diara yamni takbia apia. Yang, Dawan, kasak aisisna.’ ”

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Jirimaya 48:47

Sakuna baha ningkara yang kli lakamna Moab ba kli yamnika briaia; yang, Dawan, kasak aisisna.” Naha sika Dawan mita Juda mapara lâ daukan ba.

Jirimaya 49:39

Sakuna naika Elam ba kli sât wala takbia yamniki nani yabamna ba ra, Yang, Dawan, kasak aisisna.”

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 34:13

Kuntri tringsar ba wina sakamna, asla daukamna bara brih wamna klauna ai tasbaya ra. Brih wamna Israel untika ra piaia, bara lî kârma nani bâk, bara kuntri ra upla bâra pliska nani bâk.

Isikiel 38:14

“Baku bamna, aitani sa, yang nini bri Gog ra aisas, bara wis: ‘Dawan naku aisisa: Upliki Israel ba laman lâka ra sâp iwi kabia ba ra, man yabal ra takma,

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Isikiel 39:26

Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Abakuk 2:3

Naha tânka param mariki kaia piua aimakaia ba kau sa, sakuna piua ba aimakras kaia lika apia, piua pali bal aimakaia sa. Bamna man baha piua aimakuya ba bîla kaiki bas, ban kra kau takaski kabia sakuna.

Kulki Kaikanka 24:14

Baku ba ra tasbayi ra kli mahka auna, sakuna kau waras sna ba ra, mai wiaia sna naha uplika nani naika dîa daukbia ba man uplikam nani ba wal.

Kli Smalkanka 4:30

Man nani naha pâtka inanka wina luma, bara Dawan ra tawi bal ai bîla wals.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.