Isikiel 38:13 - DAWAN BÎLA AISKA

¹³ Sabá bara Dedán uplika nani ba, bara Tarsis wina diara âiatkra nani ba bara tawan wala nani uplika sin, mamkabi walbia: ¿Implikaia balram ki? ¿Suldiarkam nani ba asla daukram diara nani ba dimi briaia bara gul, silbar nani bâra briaia, daiwan bara diara wala nani briaia, bara diara kukan tara pali aihwa kum brih waia?’

Isikiel 38:13 ပူးပေါင်းရင်းမြစ်များ

Lawana Nani 57:4

Tasba ra kauhi prawisna, layan nani upla pi ba tilara ai napa nani ba lika langsa bara trisba tatwika baku sa, ai twisa ba lika sord malika kum baku sa.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Jirimaya 15:13

Israel, man saura nani daukram ba tâwan, diara nani brisma ba pâtkam nani ba sin waihlam nani ra yabaisna, diara sut man kuntrikam ra brisma ba, mana aibapras bal brih waia daukamna.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 51:38

Babilon uplika nani ba layan ihbi baku, layan luhpia nani lawi baku kabia.

Isikiel 25:13

Baha mita, yang Dawan sna ba, aisisni: Mihti bukamna Edom ra klala yabaia, uplika nani bara daiwra nani ba sauhki tikaia. Sauhki tikan tara ra swimna. Temán wina Dedán kat, uplika nani ba sord malika ra prubia.

Isikiel 27:12

Yuyakam tara kan bamna, Tarsis uplika man wina diara atki kan, bara baha mana silbar, ayan, lit nani maikan.

Isikiel 27:15

Rodas uplika nani man wina atkan. Bara sin kabu un ra nisan ailal nani wal wark daukram, elepant napa bara iban dusa wal mai aibapan.

Isikiel 27:20

Dedán ba, aras ulaika wal mai atki kan.

Isikiel 27:25

Tarsis wina duri tara nani ba bali kan, wala wala diara nani kwahki kan. ‘Duri tara kum kabu lalma ra baku katma, yuya ailal ni auhban kan.

Isikiel 32:2

“Naha prura lawana na, king fero Idsip kingka ba lawana aiwans: ‘Nisan nani layanka kum baku sma; kabu ra daiwan saura tara baku sma: awalkam ba buhutni daukisma, minam wal laya ba buhutni daukisma bara aubra ba blakisma.

Joel 3:8

Luhpiam waitna nani, luhpiam mairin nani ba sin Ju nani ra atkamna, witin nani kli tawi sabeo nani ra atkaia, laih tasba wala ra brih waia. Yang, Dawan, baku daukaia aisari.”

Sakaraya 11:3

Sepad nani ba karna inisa, kan twi nani prana kata ba sut sauhki tikan bamna. Layan ihbi ba walisa Jordan lamara ai watla bri kan ba sut sauhki tikan sa bamna.