Isikiel 37:24 - DAWAN BÎLA AISKA

²⁴ Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Isikiel 37:24 ပူးပေါင်းရင်းမြစ်များ

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Sins Lâka 9:6

Man nani tanis lâka ba swis, bara raya kama; upla sinskira nani baku man nani tauki bas.”

Smasmalkra 12:11

Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Aiseya 32:1

Kaiks king kum aimakbia kasak lâka ra ai kingka ba tâ bribia wihta tara nani ba sin lâ wapni kat tâ bribia.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 30:21

Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Jirimaya 30:9

Witin nani bui yang warkki daukbia, ai Dawanka bara ai Gâdka sna, bara Debit ra, yang mita king mangkamni.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 33:22

Duki dadaukra Debit kiamka nani ba, yang warkki dadaukra nani ba, Libai kiamka nani ba slilma ailalka kasbrika purara bâra ba baku, auhya ailalka kabu ra bâra ba baku ailal daukamni, baha nani numbika upla kumi sin sip kulki sâkbia apia.”

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 21:27

Aiska pali sauhki tikanka tara ra swimna, sauhki tikan, kau sauhki tikanka ra. Kuna naha na takan kabia, baha yang mita daukaia blikuna ba balbia, bara kasak lâka daukbia.

Isikiel 36:27

Man nani ra spiritki maikamna, bara yabrika lâika bîla bara daukaia lâka daukri ba kulkbia;

Isikiel 37:22

Witin nani ba nisan kumi daukamna naha kuntrika ra, Israel ilka ra, bara king kumi baman bribia. Kli tar baiwan kabia apia nisan wâl ra, king lâka wâl ra sin apia.

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Isikiel 45:7

“Baku sin tasba pîs kum bâra kabia gabamint tâ bri ba dukiara. Pîs kum ba lalma tani ra kabia, bara wala ba muna tani ra, wibia kaka, baila kum bara baila wala ra holikira tasbaya ba wina bara tawan tasbaya bâk sakan ba. Lalma wina muna kat, sim yarika bri kabia tasba pîska kiamka bani ra baiki saki yaban ba baku.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Luk 1:32

Witin lika tara pali kabia; Gâd Laih Purara iwi ba Luhpia mâkan kabia, bara Dawan Gâd ai damika Debit baku king mangkbia,

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

1 Jan 2:6

Ani uplika witin ba Gâd wal asla sa wisa kaka, witin Jisas Kraist naha tasba ra kan ba baku iwaia sa.