Isikiel 36:35 - DAWAN BÎLA AISKA

³⁵ Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.

Isikiel 36:35 ပူးပေါင်းရင်းမြစ်များ

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Lawana Nani 126:2

Bamna yawan wan bîla bara wan un nani ba, lilia kikaia, winaia ni banhkan; bara gâdkas nani ba yawan dukiara aisi kan: “¡Dawan diara tara nani daukan witin nani dukiara!”

Lawana Nani 58:11

Bâra mika wibia: “¡Aitani pali sa, upla ba kasak kaia ba! ¡Dawan kum bâra sa, tasba aiska ba lâka daukisa!”

Lawana Nani 64:9

Bara upla sut Gâd ra kulkbia, baku sin upla sut aisi kabia dîa daukan ba bara tânka bribia, witin dîa daukan ba.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Jirimaya 23:8

sakuna man nani naku swer taki aisi kama: ‘Dawan raya ba mita Israel luhpia nani yahbra kuntrika wina kuntri wala nani wina sin ani anira yakaban ba wina sut saki bri balan.’ Bara witin nani ai tasbaya ra iwi kabia.”

Jirimaya 33:12

Dawan karnika sut bri ba aisisa: “Naha kuntrika nanara bîla man swin na, upla âpu daiwan nani sin âpu, tawanka nani kumi bani ra kli sîp nani pâwbia bara sepad nani bahara ai daiwra nani dakaki kabia.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 31:9

Yang prana daukri, bara tnawa ailalkira; Eden ra dus wala nani ba, Dawan kaupinka ba, tumanka bri kan.

Isikiel 36:34

Baha tasbaya bîla man ba watlika ra insla mangkan kabia ya ya bâk lui ba nakra ra.

Isikiel 37:13

Bara yang raitikam nani ba kwâki mai sakamna bara damra walma man nani ba, yang upliki, yang sika Dawan sna ba.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!