Isikiel 36:30 - DAWAN BÎLA AISKA

³⁰ Yabrika dus nani bara insla ba mâ kau sâkbia; baku man nani swiram takma apia, nisan wala nani tilara, plun mai dauki ba ra.

Isikiel 36:30 ပူးပေါင်းရင်းမြစ်များ

Lawana Nani 85:13

Kasak lâka ba witin kainara wabia bara ai yabalka ba wapni dauki yabia.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Isikiel 34:13

Kuntri tringsar ba wina sakamna, asla daukamna bara brih wamna klauna ai tasbaya ra. Brih wamna Israel untika ra piaia, bara lî kârma nani bâk, bara kuntri ra upla bâra pliska nani bâk.

Isikiel 34:14

Twi kau pain dakakaia brih wamna, Israel ilka tara nani ra bâra ba. Bahara ris briaia sip kabia bara twi kau auhni nani ba piaia.

Isikiel 34:27

Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

Joel 2:17

Prîs nani, Dawan dukia dadaukra nani, ini banhs, bara tempel ra dimi waia bîla bara altar ba wal lila kat bûi, naku wis: “Dawan, uplikam nani pâtka na ban kulkpara; swirka upla wala nani mita uplikam nani ra ban lawaska kiki kabiara; swirka nisan wala nani ba mita, pura wihtka aimaki kabiara, upla idan nani ba sin aisabiara: ‘¿Man nani Dawankam ba anira sa?’ ”

Joel 2:19

bara Dawan bui witin nani ra win: “Yang bui man nani ra plawar mâ, wain mâ, oliv mâ batanka laya sin blikamna, man nani âmyapah takma ba kat; bara idan nani ba, swirka kli man nani lamwaska kiki kabia apia.

Joel 2:26

Man nani pi âmyapah pali takaia praiska kat pima, bara Dawan Gâdkam ra mayunma, man nani dukiamra yang diara tara aihkakira nani daukri bamna. Yang upliki nani swira daukan ba yabrika ban kabia apia,

Libait Lâka 25:19

Tasbayam wina dusam nani mâ manis maikbia, bara man nani âmyapah iwi banhwi kama.

Libait Lâka 26:4

lî nani ba, yang ai piua kat blikamni, bara tasba ba, dus nani unta ra ba, ai mâ maikbia;