Isikiel 36:25 - DAWAN BÎLA AISKA

²⁵ Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 36:25 ပူးပေါင်းရင်းမြစ်များ

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Lawana Nani 51:9

Saurki nani ba, namkra wina laihura sâks, bara watawanki nani sut ba wina sin diki ai sâks.

Sins Lâka 30:12

Upla tila sin bâra sa, witin ai nakra nani ra witin ba sunu pali sa, ban sakuna witin nani ai tâskika wina sikbi sakras sa.

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 52:15

baku nisan nani sin taibia; king nani witin kaiki ai mawanra ai bîla prakbia, kan witin nani ra diara wiras kan ba dukia nani ba marikbia bamna, bara witin nani diara walras pali kan ba baha tânka sin bribia bamna.

Jirimaya 33:8

Maipara saura daukan saurka tâskika ba sut âpu daukamni; watawika nani maipara daukan ba maipara buan pâtka ba sut swih tikamni.

Isikiel 16:9

Tahbi mai sakri, tala bri katma ba klin daukri, bara kîa yamni mai yûkri.

Isikiel 36:17

“Israel wina nani ba ai tasbaya ra iwi kan ba ra, ai daukanka saura wal tâski daukan. Ai iwanka ba yang maipara tâski bara brinki apia dukia daukan.

Isikiel 36:29

Ya tâski dauki ba sut wina swaki sakamna. Yabrika plawar mâ ba ailal takbia, bara kli plun wahwan blikamna apia.

Isikiel 37:23

Kli tâski takbia apia, aidul saura kulkan nani ra mayuni, saurka sât sât dauki. Yang kasak lâka luha daukan ba wina sut pri sakamna, bara klin daukamna ai saurka wina. Witin nani upliki nani kabia bara yang ai Dawanka.

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Libait Lâka 16:30

Baha yua ra man nani ba Dawan mawanra pâtkam swih tikaia lâka plikaia sma, man nani sut klin pali takaia.

Miqueas 5:12

Yang bui sukia lâka nani ba sut, tilam wina kangbi sakamna, bara tilamra smaya kakaira kumi sin âpu kabia.

Kulki Kaikanka 8:7

Naku natka ra baha dauks: sikbi klin sakaia laya ba wal baha nani ba purara sriks, bara yas ai mina wina ai lal kat tamaya sut kusbi sâkbia, bara ai prâka ba sin tuskbia bara baku klin taki banhbia.

Jan 13:8

Sakuna Pita bila: —¡Man bui yang mini lika sip sikma apia! Jisas bila: —Yang bui man minam nani sikbras sna kaka, man sip yang disaipilki kama apia.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Apastil Nani Sturka 22:16

Bara nanara, ¿man dîa bîla kaikisma ki? Mahka, yas tahbi mai daukbia, Dawan nina kat luki, saurkam nani sut sikbi sakaia dukiara.’

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Hibru Nani 9:19

Moses mita lâ bîla wina lâ nani ba sut upla nani ra aisan; baha ningkara, witin ba sîp tâwa pauni bara hisop tnawa kum brih, bîp lupia nani bara guts lupia nani tâlia ra yuki, lî sin mangki, lâ wauhkataya purara srikban, upla sut purara sin.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 5:6

Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.