Isikiel 36:18 - DAWAN BÎLA AISKA

¹⁸ Baku mika kupi sauhkanka, witin nani purara mangkri upla nani kuntrika tikan ba tâwan, bara baku tâski daukan aidul nani ra mayunan,

Isikiel 36:18 ပူးပေါင်းရင်းမြစ်များ

2 Kronikas 34:21

—Dawan ra wih makabi wals yang dukira, upla nani Israel bara Juda kiamka wina kau swin nani ba dukiara, naha wauhkataya ra ulbanka ba tânka; kan naha dukiara Dawan yawan wal ai kupia sauhkisa kaia sa, wan almukka nani Dawan dîa win ba kulkras kan bamna, baku sin dîa sut baha wauhkataya ra ulban ba kat daukras kan bamna.

2 Kronikas 34:25

Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

2 Kronikas 34:26

Bamna Juda kingka ra wis, Dawan ra makabi walaia blikan ba, Dawan, Israel Gâdka ba, naku wisa: Man walaia apia kapram bara ai walram bamna,

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 14:19

“Apia kaka siknis blikamna baha kuntrika ra, bara kupi baiwan ra prura mâ ba bahara mangkamna, upla nani bara daiwan nani sin pruaia,

Isikiel 21:31

yang lawanki ba man puramra blikamni, pauta klauhanka saurakira baku; upla sauhki tatikra saurakira nani mihta ra mai mangkamna.

Isikiel 22:20

Sim, lalah, bras, ayan bara lit, asla dauki kubus ra mangki ba baku, bara ningkara pauta alkisa slilkaia dukiara. Baku yang kupi baiwanka saura ba wal, asla mai daukamna bara mai slilkamna.

Isikiel 22:22

Lalah slilkaika ra slilki baku, man nani mai slilkan kabia tawan lilapas ra; baku damra walma yang, Dawan, kupi baiwanka man nani puramra laikri ba.”

Isikiel 23:37

Witin mita lukras ai sakan bara ai mihta nani tâski daukan tala laikan bamna. Sip lukras ai sakan aidul ra mayunan man, bahara kulkanka yaia wisi ai luhpia waitna nani sakripais daukan pauta ra, baha luhpia waitna nani witin wal briri ba.

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Isikiel 39:23

Bara nisan tringsar nani ba nu takbia Israel luhpia nani ba alki upla wala tasbaya ra brih wan ba witin saura daukan ba tâwan, kan witin nani lika yang wal kasak apia kan; bara yang lika witin nani ra kaikras maiwan lakri bara swiri ai waihla nani ba mita pura luaia bara war ra sut ikaia.

Isikiel 7:8

Nanara isti pali kupi baiwanka ba, man nani puramra laikamni, yang âiyapah brimna kat man ra mamkabamni daukankam dukiara, bara klala maikamni daukankam saura nani ba tâwan.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.