¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!
¡Kasbrika laih purara, mayunra lawana nani aiwans! ¡Bara tasba sin lilia tara ni banhs! ¡Il nani, man nani mayunan binka tara dauks! Kan Dawan lika ai uplika nani ba maisa nihkan bamna, baha nani umpira ba dukiara luki kaikan bamna.
Kasbrika purara tasba ra diara nani bâra ba sut lilia banhwi kabia Babilon kauhbia ba ra, sasauhkra nani ba yahbra wina witin ra balbia ba ra. Yang, Dawan, kasak aisisna.