Isikiel 35:10 - DAWAN BÎLA AISKA

¹⁰ ‘Man wiram: Israel kuntrika ba, ai kingka lâka wâl kira yang duki kabia; yang ai dawanka kamna, Dawan bâra iwi ban kabia.

Isikiel 35:10 ပူးပေါင်းရင်းမြစ်များ

Lawana Nani 76:1

Dawan ba Juda ra kakaira sa witin ai nina ba kulkanka tara brisa, Israel luhpia nani ra.

Lawana Nani 83:13

Dawanki, yas kiaya baku aikarwi kaia, dus wahia lâwan pâsa mita raski brih auya ba baku;

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 31:9

Sibrin mita ai kingka ba taki plapbia bara ai watla karnakira nani ba swih plapbia war aiklaklabra wihtka tara nani ba sin, sibrin tara mita ai plakinka nani ba swih plapbia. Dawan ba naku wisa, witin lika upla angkaia pata klauhanka ba Saion ra ridi brisa, diara angkaika ba sin Jerusalem ra, ai waihla nani ba klala yaia ridi brisa.

Jirimaya 49:1

Amón uplika nani ra wiaia Dawan aisin bîla ba: “¿Israel luhpia nani ba anira sa? ¿Witin nani prapati briaia nani ba anira sa? ¿Dîa muni Milcom gâdka ba nanara Gad dawanka takan? ¿Dîa muni Amón uplika nani baha nani tawanka ra iwisa?

Isikiel 26:2

“Tiro Jerusalem tânka luki ra aisan: ‘¡Alai, diara atkaia durka, nisan nani tilara pîs nani ra baman daukan sa! ¡Nanara yang piui balan! Yang yuya wal aibanhri sa, witin nani lika sauhki tikan ra takaskan kabia.’

Isikiel 36:2

Yang Dawan sna ba, naku wisni: Israel waihla nani ba ai dara walisa ban kaia ilka bîla nani ba dawanka takan.

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Joel 3:2

Nisan nani ba sut asla kukamna, bara Josafat ilka bîla ra brih wamna; bara yang bui witin nani lâka daukamna, witin nani, yang upliki Israel luhpia nani ra munan ba tâwan. Witin nani mita, Israel luhpia nani ba munan, ai tasbaya wina taki tasba wala nani ra plapan, bara tasbaya ba witin ai mânka taki yui ai dukia brin.

Emus 1:13

Dawan naku aisisa: “Amón uplika nani saura ailal pali daukan; bamna yang bui witin ba sip klala yabras swimna apia, kan witin nani ai tasbaya piarkika ba kau kanra kitbi brih waia dukiara Galaad tawanka ra mairin kwihra nani bâra kan ba biara klaki baikan.

Abdías 1:11

Waihla nani bal tawan bilara dukia kukanka nani ba impliki kan ba ra, suldiar nani kuntri wala wina bal Jerusalem tawan getka ba kriki kan ba ra, ¡man muihkam tâwan aisaras tnaya ra tawram! Diara nani witin nani brin ba lat lulki kaiki ai mânka tilara yui brih wan, ¡bara man sin witin nani daukan ba baku daukram!

Abdías 1:13

Man ba yang tawanki ra dimaia apia kapram pât wahwi kan ba yua ra. Lilia briaia apia kapram trabil bri katna piua ra, man implikaia apia kapram yuyaka nani ba pât bri kata yua nani ra.

Sofonías 3:15

Dawan pât ra mai lakaia mampara aisin ba kli swin, bara waihlam nani ba kangbi sakan. tilamra sa; Dawan, Israel kingka, man nani bara diara saura kumi sin sîa yama apia.

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Kulki Kaikanka 35:34

“Man nani iwaia sma tasbaya lâka ba tâski daukpara, yang sin bahara tilamra takaskamna bamna. Yang Dawan, Israel luhpia nani tilara iwisna.”