Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isikiel 34:27 - DAWAN BÎLA AISKA

27 Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

အခန်းကိုကြည့်ပါ။ ကော်ပီ




Isikiel 34:27
39 ပူးပေါင်းရင်းမြစ်များ  

Walpa nani yabal ra ba minam prukbia apia, daiwan prautkira nani ba sin pâmnika kabia.


Tasba ba ai mâ sakisa; ¡wan Gâdka yamni wan munan sa!


Dawan bui lî ba blîkbia, bara wan tasbaya ba mâ ailal sâkbia.


Man ris brima taim sibrin mai daukbia apia; man aitnikma ba ra, âmyapah pali yapma.


Baha piua ra ban takbia wirhikam nani pamhpaya ra sunan ba, sakan kabia; namna dusa ra raskaika dusa wilkan ba sin.”


Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.


Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.


Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.


Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.


“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.


Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”


Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”


Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.


Yang, Dawan ba, karnika sut brisna, kasak aisisna: Upliki nani alba lâka ni wilkan ba pri sakamna, witin nani kli tringsar nani albika takbia apia.


“Yang Dawan sna ba, naku wisni: Asla daukamna Israel ba, nisan nani tilara yakabrira ba wina; bara marikamni holikira sna lâka ba, nisan nani nakra ra. Israel klauna ai kuntrika ra iwbia, baha kuntrika Jekob, duki dadaukra ra yabatna ba.


Yang bui Idsip karnika ba sauhkamna ba ra, ai karnika dukiara aimayuni ba danh daukamna ba ra, lapta ba tihmu takbia Tafnes ra; kasbrika kum Idsip pura bikbia, bara ai tawanka uplika nani ba silak ra brih wabia.


Upla iwras tasbaya ra, yang kuntri ba sauhki tikanka ra dingkri ai saurka tara pali witin nani daukan ba tâwan; baku mika ai dara wali banhbia yang sika Dawan sna ba.’


kan yang, Dawan, aisisna: Sepad nani, yang waihlam takisni bara yang sîpki nani tâwan mai aisisna; mihtam wina main kaikaia lâka ba dakbuna, man nani ba wînam kat baman main kaiki kama apia; sîpki nani ba dakbi brimna, man nani sîpki nani ba ban pi banhwi kama apia dukiara.’


Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.


Insla mangkan mâ ailal yabamna, bara witin nani kli plun wauhbia apia; nisan wala nani ba sin, witin nani lawaska kikbia apia.


Ya tâski dauki ba sut wina swaki sakamna. Yabrika plawar mâ ba ailal takbia, bara kli plun wahwan blikamna apia.


Yabrika dus nani bara insla ba mâ kau sâkbia; baku man nani swiram takma apia, nisan wala nani tilara, plun mai dauki ba ra.


Israel ilka nani man nani mampara, natka wala ra, dus tara nani bara mâ ailal, yang upliki man nani dukiam bâra kabia, pat kli tawi balaia sma piua ba baila sa bamna.


Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.


Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.


Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.


Yang mita blikri alki bri waia nisan tringsar nani tilara, bara yang kli asla daukamna aima wala ra ai tasbaya ra. Kumi sin ai tasbaya wina alki bri wabia apia. Baku mika ai dara walbia, yang sika ai Dawan Gâdka sna ba.


Awalka bailka wâl un ra dus nani sât sât pâwbia mâ bri kabia. Wahia nani ba kauhbia apia ban kaia ra, mâ nani ba sin iwi ban kabia. Kati bani mâ alki kabia, kan tempel wina taki laya wal buski kabia bamna. Mâ nani ba plun bara wahia nani ba sîka kabia.


“Daiwan tnawira nani baku, Idsip wina tatatwi balbia; butku nani baku, Asiria wina balbia; bara daukrika witin nani kli bal ai watla nani ra iwbia. Yang, Dawan, kasak aisisna.


Yang mayi mai brimna bara man wal kasak kamna, bara yang lika man dawankam sna ba, ai kaikma.


Yang sika man nani Dawan Gâdkam, Idsip wina mai sakri ba. Witin nani albika kaia apia, man nani wirha tara twilki kapram ba puram wina yang kalki sakri bara pri mai daukri kainam kat wapi kaia.


lî nani ba, yang ai piua kat blikamni, bara tasba ba, dus nani unta ra ba, ai mâ maikbia;


Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.


Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ