Isikiel 34:25 - DAWAN BÎLA AISKA

²⁵ Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 34:25 ပူးပေါင်းရင်းမြစ်များ

Job 5:22

Sauhki tikan lâka tilara bara plun wahwan piua ra man kaiki kiki kama, bara daiwan saura wail nani ba sibrinka sin mai daukbia apia.

Job 5:23

Walpa nani yabal ra ba minam prukbia apia, daiwan prautkira nani ba sin pâmnika kabia.

Lawana Nani 4:8

Kupia kumi lâka ra yang aitnikuna, bara isti pali yapisna; bamna man, Dawan, yang ra daukisma kasak luki iwaia ba.

Sins Lâka 3:24

Man ris brima taim sibrin mai daukbia apia; man aitnikma ba ra, âmyapah pali yapma.

Aiseya 35:9

Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Isikiel 16:60

Kuna yang lika kupi kraukamna, man wal lâ daukri ba, tiara katma piua ra; bara lâ raya ban kaia daukamni man wal.

Isikiel 16:62

Yang kli lâ raya man wal daukamna, bara damra walma yang sika Dawan sna ba.

Isikiel 20:37

Yang kumi bani ra laki mai kaikamna, sepad baku ai sîpka nani kulki kaiki ba; bara yabrika ai pramiska ra iwbia.

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 34:27

Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

Isikiel 34:28

Nisan tringsar nani ba, kli witin nani purara kabia apia; daiwan wail nani sin pibia apia. Lamni iwbia, upla kum sin sirang ikbia apia.

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Isikiel 38:8

Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.

Isikiel 39:26

Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Libait Lâka 25:19

Tasbayam wina dusam nani mâ manis maikbia, bara man nani âmyapah iwi banhwi kama.

Libait Lâka 26:5

plawar mâ nani, wain mâ nani piua kat dâkaia brima; wain mâ nani sin ban bri kama, dus mâ wala nani sin ban brih pi kama biamra banhki takma ba kat, bara kuntrikam ra âmyapah iwi kama.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Sakaraya 14:11

Âu, Jerusalem ra kli upla iwi kabia, witin nani ba kli sauhki tikan kabia apia. Witin nani sin baha wina kli taki waia lukbia apia.

Sakaraya 6:13

Dawan tempelka ba witin kli mâkbia, bara king kum ra kulkanka lâka yabi nani ba bribia. Witin ai iwaika ra iwbia bara tâura wihta aimaki kabia, bara prîs ba sin ai iwaika lamara iwbia, bara wal ai lukanka kumi laman lâka ra iwbia.

Kulki Kaikanka 25:12

Bamna wis, yang lika witin wal kupia kumi lâka daukuna,

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.