Isikiel 34:14 - DAWAN BÎLA AISKA

¹⁴ Twi kau pain dakakaia brih wamna, Israel ilka tara nani ra bâra ba. Bahara ris briaia sip kabia bara twi kau auhni nani ba piaia.

Isikiel 34:14 ပူးပေါင်းရင်းမြစ်များ

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Aiseya 25:6

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Jirimaya 31:25

Bara plun pin kabia, diara din kabia aibanhwan praiska swapan nani ba bara karnikas ba sin.”

Isikiel 28:25

“Yang Dawan sna ba, naku wisni: Asla daukamna Israel ba, nisan nani tilara yakabrira ba wina; bara marikamni holikira sna lâka ba, nisan nani nakra ra. Israel klauna ai kuntrika ra iwbia, baha kuntrika Jekob, duki dadaukra ra yabatna ba.

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Isikiel 34:27

Unta dusa nani ai mâ sâkbia, tasba ba kau yamni takbia, bara lamni lâka ra iwbia klauna ai tasbaya ra. Yang tawanki ba pri sakamna, bara baha alba lâka ra bri ba wina ai dara wali banhbia yang sika Dawan sna ba.

Isikiel 36:12

Yang daukamna upliki Israel luhpia nani man puramra wapaia, bara man nani ba ai dukia mai briaia, bara man nani kli witin nani ba luhpias swima apia.

Isikiel 36:9

Yang kan kahbamna bara yabrika tasba ba baiki mangki kabia.

Daniel 11:24

Upla kumi sin lukras kabia piua ra, baha tasbaya ra ani pliska nani kau yuya bri ba sâtka ra dimi wabia bara ai aisika nani, ai damika nani daukras kan dukia nani ba daukbia, war aiklaklabra nani bui aiklabi dakban dukia ba, bara yuyaka nani sut sin war aiklaklabra nani aikuki yui bribia. Tawan karnakira nani mapara aiklabaia waia lâ daukbia, baha ba yu kum baman kabia kra.

Kulki Kaikanka 13:18

Bara baha wina tasba ba laki kaiks, bahara iwi uplika nani ba sin, uplika nani ba swapni sa sapa, apia kaka karna sa sapa, wiria, apia kaka ailal sa sapa.

Jan 10:9

Yang sika dur ba: bamna ani uplika yangku dimbia ba, swaki sakan kabia. Bara witinka ba lika sîp kumi klarka ra dimi si, ai pata pliki taki auya baku kabia.

Param Marikanka 7:16

Witin nani kli plun wauhbia apia, lî din sin daukbia apia; wan yu laptika ambia apia, lapta wala mita sin munbia apia,