Isikiel 34:11 - DAWAN BÎLA AISKA

¹¹ “Yang Dawan sna ba, naku wisni: Yang pali mihti ra brimna sîpki nani daknika ba main kaikaia.

Isikiel 34:11 ပူးပေါင်းရင်းမြစ်များ

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Lawana Nani 119:176

Yang na aimawahkri sa, sîp kum baku; ¡bal ai pliki ai sâks, man lâmka bîla nani yang âiya tiwras bamna!

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 48:15

Yang, yang sika aisari ba, yang bui witin ra winri balaia, yang yabri balan bara ani anik wabia sut ba yamni man takan kabia.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Jirimaya 23:3

Sîpki nani munri plapan nani ba kuntri wala nani ra kau swin ba yang mita kli bri balamna, baha asla daukamna bara kli tawi bal ai pata piaia daukamna, bara ai luhpia nani manis baikbia.

Jirimaya 31:8

Kli daukamna lalma kuntrika wina balaia bara asla mai daukamna tasba tnata ba kat. Baha nani aikuki balram kabia blain bara skahwa nani ba, mairin kwihra nani babaikra, pat ai luhpia brin nani ba sin; ¡upla ailal kli balan kabia!

Isikiel 11:17

Baku sin wis: ‘Dawan ba naku wisa: Yang mita yabrika kli tawi balbia, baha kuntrika bara nisanka nani anira yakabi kir lakri ba wina, bara asla daukamni bara Israel kuntrika ba maikamni.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 5:8

Baha mita, yang, Dawan, naku aisisna: Jerusalem, yang sin man mampara buaisna; yang bui man mampara lâ daukaia sna nisan nani sut mawanra, bara nisan sut mawanra,

Isikiel 6:3

naku natka ra: ‘Pain wals, Israel ilka nani, dîa Dawan aisi ba, il purara nani ra, awala nani ra, il plahpia nani ra sin; yang daukaisna man nani puramra war tara balaia, bara sauhki tikbia plis purara nani idan priaska watla nani ba.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Libait Lâka 26:28

yang sin man nani mampara kamna bara kupi baiwanka ra kli klala 7 wala maikamni saura daukisma ba luki.

Sakaraya 10:3

Baha mita Dawan naku aisisa: “Lawanki na buki klauhan sa sepad nani mapara, bara uplika nani tâ bri nani ba klala yabamna.” Dawan, karnika sut bri ba, ai daknika Juda kiama nani ba, aihwaki kaikisa, witin nani ba aiklabaia araska karnakira baku daukbia.

Sakaraya 9:16

Baha yua ra, Dawan ai Gâdka ba mita ai uplika nani ba swaki sâkbia sîp daknika kum baku, bara witin ai uplika nani ba ai kuntrika pali ra king kraunka walpaya pranakira nani baku ingwi kabia.

Luk 19:10

Upla Luhpia Waitna na balri sa, diara tiwan ba pliki swaki sakaia.

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!